Esodo 19:20 - Iaai Bible 1901 (New Caledonia)

²⁰ Kʼ ame utut Iehova ka hnyi bucen Sinai, ka hnyi bân bucen: ke Iehova ame hao Mose ka hnyi bân bucen: me Mose ame ölö thö.

Esodo 19:20 ပူးပေါင်းရင်းမြစ်များ

I. Je Than 19:11

Haba e ame ha, ka habe, He thö ka tot hon bucen hnyi hnyimakö Iehova. Ke wâ bi Iehova ame he, ke haba ang ae gan ke hwege ame ohmouca je bucen, me thö je kic hnyi hnyimakö Iehova; ke e biö Iehova hnyin ang: ke hwiöi hwaban ang, ke e hiö Iehova hnyin hwiöi:

Nehemia 9:13

Ke u je utut ka hnyi hon bucen Sinai, me ûhnenamö mödrin ûnyi hnyi drany, me ham ködrin je hna owisa ae ûcû, me je hnanyibu ae hnathu, me je hna otilâ me hna hûna ae so:

Salamo 81:7

U je khöû hnyi vec, me oge me omeli u; Oge me thu köu ûnyi hnyi dok ae iyong, a umen hwan than; Oge me cubic u hnyi je köien Meriba. [Sela.

Esodo 19:11

mʼ adre me penapena hobi kâu bong a kuniny: anyin a haba hnyi bong a kuniny ame he Iehova ka utut hnyi hnyimakan tavat hia thithö hon bucen Sinai.

Esodo 19:3

Ke haba Mose ame ölö thö ka Khong, ke haba Iehova ame hongot kâu ethö hon bucen me ha kâu, ka habe, Walang hofuc u me he ka ha ka lap anyi Jekob, me thumeto lakon Isaraela, ka habe;

Esodo 24:15

Ke haba Mose ame öliâ bucen, kʼ ame khavâ bucen hnen ûlâ.

Esodo 24:18

Ke Mose ame dit ka hnyin ûlâ me öliâ bucen: ke ethö Mose hon bucen fâte je lany ke fâte je lit.

Esodo 34:2

Ke laba penapena thö hnyi hnyomakatu, ke öliâ bucen Sinai, me tot eling hnyi hnyimakök hnyi hon bân bucen.

Esodo 34:4

Ke e ame delâ ke li veto ae lau helâ me li veto a bân; ke Mose ame vesâ hnyi hnyomakatu, me öliâ bucen Sinai, helâ me hna hûna kâu hnö Iehova, ke e ame hom tilâ hnyi hnyamen li veto ae lau.

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

Deuteronomi 9:9

Hnyi ûen oge me öliâ bucen he ka kap li veto ae hu, a li vetoiny ûhihinyköu waleji a ânyâ Iehova möbun, ke oge me laba hnyi bucen fâte je lany ke fâte je lit; kʼ oge me ca han me ic.