Esodo 19:18 - Iaai Bible 1901 (New Caledonia)

¹⁸ Kʼ ame sâ bucen Sinai hia, anyin a Iehova ame ut hnyin meic kâ e: kʼ ame ölö görany ai sân helâ me sân inyâ ji: kʼ ame ûk hwege bucen hia.

Esodo 19:18 ပူးပေါင်းရင်းမြစ်များ

Genese 11:5

Ke Iehova ame utut ka wâ taun me tap, ame otilâ lakon tavat.

Genese 15:17

Ke a didrut seûnö, me lit ut, ke wâ bi wahnainyâ ame sâ, me okûnû ame ubâhlâ, kʼ ame he hnyi wanben ta je ec utiö.

Genese 19:28

ke e ame bwele Sodoma ai me Gomoroai me hnyei hia ae thahon, me wâ, ke wâ bi ame sâ göranyai hainy hnyei helâke hainy inyâ ji.

Nehemia 9:13

Ke u je utut ka hnyi hon bucen Sinai, me ûhnenamö mödrin ûnyi hnyi drany, me ham ködrin je hna owisa ae ûcû, me je hnanyibu ae hnathu, me je hna otilâ me hna hûna ae so:

Salamo 104:32

Haba e at ame bwele ka wâ hmeledrany, me ame bwebwet bi; E ame kâlâ je bucen, me ame sâ thö.

Salamo 114:4

Ame ututut ta je bucen helâ me je mamoe baga, Me ta je ong hut helâ me je lakon mamoe.

Salamo 114:7

Hmeledrany lö, öbubuny ju hnyi hnyimakan Than, Hnyi hnyimakan Khongu Jekob;

Salamo 144:5

Iehova lö, ken dut ânyâm drany me ölö Kâlâ ju ta je bucen me me he ka sâ.

Salamo 18:9

E ame oto minya drany, me utut; Ke eû hmelen li can bi menekholom ae khot.

Salamo 68:9

Khong lö, u je ota we ae gan hmâ, U je hwegiâ hmeto jekhom e ka sënyin dut e.

Salamo 77:18

E hnyi höu hwan ânyâm than; Je hucuce adre me öumumelamâ hmeledrany: Ke hmeledrany ame öbubuny me bwebwet.

Salamo 77:19

E bi hnyi köiö dem gethen, Ke eû hnyi köiö ae gan deny hnâm hna he, Ke ca manen bi je deny je hnyeûcam.

Esodo 19:13

e ba hnyamen ke at ame he ka kâlâ, ke so bi adre me he ka lûâ ge veto, ame ne daoâ; ame ca he ka möt, ame ne meno, ame ne at bi: ke ka fuc beû hmâ trutru, me adre me he ka öliâ bucen.

Esodo 19:17

Ke haba Mose ame hom tavat ûheny hnyi hna hunuma he ka ûkhanö me Khong; kʼ adre me tot hmelen bucen.

Esodo 20:18

Ke haba tavat hia adre me wâ hendreng, me hucucu, me meainy trutru, me bucen ame sâ: ke a wâ but tavat me adre me öbubuny me tot sâkâû.

Esodo 24:17

Ke haba hwakecin hmanenangi Iehova, me, helâ me meic ame han hnyi hon bucen hnyi hnyimakan lakon Isaraela.

Esodo 3:2

Ke ame manen kâu angela anyi Iehova hnyi bâhlân meic hnyi wanben ûö ae ûdedö: ke ame wâ, me wâ bi, ame hlâ meic hnyi ûö, kʼ ame ca aû but ûö.

Esodo 34:2

Ke laba penapena thö hnyi hnyomakatu, ke öliâ bucen Sinai, me tot eling hnyi hnyimakök hnyi hon bân bucen.

Isaia 6:4

Ke ame bwebwelâ je taben je hwanuma ge ifucin at ame hongot, kʼ ame unöngötö uma ge hai.

Isaia 64:1

ÖU he ju ka kia but drany, me utut, me me badedö but je bucen hnyi hnyimâkâm;

Jeremia 4:24

Oge me wâ je bucen, ke wâ bi, adre me öbubuny, ke haba je hut hia adre me jijing.

Habakuka 3:6

E ame tot me tuluto hmeledrany; E ame bwele me oveseâ ta je hnyei: Ke adre me oveseâ je bucen kâû adrem, Kʼ ame nom ju je hut kâû ehac; E kueny jut deny ta je gethen.

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Mataio 24:7

Anyin ame he ka tot ke hnyei ka ke hnyei, me ke dökhu ha ke dökhu; ke ame he ka hu je hmiâ, me hwiöi hnyi ke je dok.

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

Deuteronomi 4:36

E ame hna köu he ka löng hwan hofuc ûnyi ethö hnyi drany, me me nö u: ke e ame omanenâ köu eang hmelen anyin meic ae gan; ke u je löng hwan je hofuc ûnyi hnyin meic.

Deuteronomi 5:22

Wale je hofuc a ha Iehova ka anyibun ûkhacaköu hia hon bucen ûnyi hnyi wanben meic, me ûlâ, me menekholom ae gan, ke gan hmâ hwan: ke e ame ca bi hanen. Ke e ame sihnalimen e hnyi li veto ae lau, me ham könya.

Deuteronomi 5:4

Iehova ame fuc ûhnyimaköu möbun hon bucen hnyi meic,

II. Thesalonika. 1:7

ke öbun tavat adre ovecâ, öbun e he ka tha menâ möhmun, e ka manen dut Than Iesu ûheny hnyi drany tha e me ta je angelainy maniny man

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Heberu 12:18

Anyin a öbun e ca o but ka hnyi bucen ae ûcû he ka kâlâ waleji ame hiâ ge meic ke ne o but ame hlit, me menekholom, me weneû,

Heberu 12:26

waleji at ame obwebwelâ hmeledrany ge ifucin ehac: ke e ame hia but ha bânâ walang ang, ka habe, Oge me he ka okhaca hmejijingâ, ca hake hmeledrany thibi, ke drany minya bi.

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

Hna Omanenâ 15:8

Me ame unöngötö uma kap ge hai ûnyi hnyi hmanenang anyin Khong, me ûnyi hnyi maniny man; ke ba at ae khana he ka didro ka hnyi uma kap, ke ne o but ame hwâdâ thö je mok a seven anyin je angela a seven.

Hna Omanenâ 9:2

me ame o thö hai ûnyi hnyi hmonop, helâ me hainy meic ae gan hmâ; me ame hlit ut seûno me ethö hnyi wanben ge hainy hmonop.

Owisa 5:5

Ame o Iehova me ame bahihingölö je bucen, Wale Sinai, ke ame o Iehova Khongu Isaraela.