Esodo 19:10 - Iaai Bible 1901 (New Caledonia)

¹⁰ Ke Iehova ame ha kö Mose, ka habe, He thö ka tavat, me okabi odra hnyi bong ang, me bong nyi, kʼ adre me he ka hneû anyidra je ûkhaû:

Esodo 19:10 ပူးပေါင်းရင်းမြစ်များ

Genese 35:2

Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun:

II. Samuela 19:24

Ke haba Mefiboseth nöku Saulo ame utut he ka ûkhanö me than; ke a ca hneû li can, me ânyâwia wainy, me hneû anyin je ûkhaû, hwân hnyi bong ame he than ke ne o but e ame o hmetu me hnahic.

II. Man Ûlabainy Je Than. 29:34

Ke e wakhalet tavat bihut, ke ca khanʼ ödrin bi he ka uja ta je hudiny hia leû: anyin a wale ame hadruʼ ödrin je liamekeiny mödrin a je at Levi, ke ne o but ame um dö huliwa, ke ne o but ame um dö keihen at bihut okabi ödrin bi: anyin ame kong hnyekunâ at Levi hon tavat bihut he ka okabi ödrin bi.

II. Man Ûlabainy Je Than. 29:5

me ha ködrin, ka habe, At Levi lö ling nya ju; okabi öbun ju, ke okabâ thö uma umo Iehova Khongon lakamöbun, me hom degecâ ta je ûnyi ae ikiki ûnyi hnyi dok ae kap.

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Levitiko 11:25

ke haba at ame kaptilâ ke ong utiöiny je ûnyi e a mokcu, hamen he ka hneû anyin je ûkhaû me laba bo kong ke ne o but sahac.

Levitiko 15:5

Ke haba at ame kâlâ hnen hna mokut, hamen he ka hneû anyin je ûkhaû, me soû hnyi köiö, me bo kong ke ne o but sahac.

Numera 11:18

Ke u me he ka ha ka tavat, ka habe, Okabi öbun dö hobi kâu nyi, mʼ öbun e he ka han utiö: anyin a öbun e hia but tenge ka hnyi li hnyikönyö Iehova, me ha, ka habe, Ia ame he ka ha ohmun ge utiö? anyin ae so köhmun ehac hnyi hnyei Aigupito: waleling me me he Iehova ka ha öbun ge utiö.

Numera 19:19

ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac.

Numera 31:23

a ta je ûnyi hia a ca an ge meic, me öbun e he ka inâ ta je ûnyi e hnyin meic, me me bo so but; ke so bi adre me he ka obosoâ minya ge köien hake ip.

Numera 31:24

Ke öbun e he ka hneû anyibun je ûkhaû hnyi bong a seveniny, mʼ öbun e bo so, ke hwaban e me öbun e he ka dit ka hnyi hna hunuma.

Numera 8:21

Ke haba tavat Levi adre me obosoi ödra bi ûnyi hnyi hulö, me hneû anyidra je ûkhaû; ke haba Arona ame hajijingi ödra hnân hudiny hajijing hnyi hnyimakö Iehova; ke Arona ame bi hwaban anyidra möt me obosoi ödra.

Numera 8:7

Ke walang hnâm hna he ka ânyâ ködra, mʼ adre me he ka bo so: u ma duköiʼ ödra ge köien obosoâ, kʼ adre me he ka giâ je unyidra hia, me hneû anyidra je ûkhaû, me obosoi ödra.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Josua 3:5

Ke haba Josua ame ha ka tavat, ka habe, Okabi öbun dö, anyin a haba bong nyi me Iehova ame he ka ânyâ unyibun ta je ûnyi hnân lâiâ.

Josua 7:13

Höhöi thö me okabâ thö tavat, me ha, ka habe, Okabi öbun dö hobi kâu nyi: anyin a walang ame ha Iehova Khongu Isaraela, ka habe, Isaraela lö, e hu ûnyi adre nyiboâ unyâm: ke ca kbanö u he ka tot hnyi hnyimakan je iwahnaihmiony mou, ke ne o but öbun e hom degecâ ûnyi adre hake ip unyibun.

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.

I. Samuela 16:5

Me haingen, ka habe, Oge me o hnyi ûsoköu he ka bi hut kö Iehova: okabi öbun dö, me tha he thö mönya ka hnyi bi hut. Ke e ame okabi Jese me lakon, me hawʼ ödrin he ka hnyi hanen hut.