Esodo 18:7 - Iaai Bible 1901 (New Caledonia)

⁷ Ke haba Mose ame he ka ûkhanö me ûngon, me nom kâu, me ûcumhnyimak me; kʼ ödru me ûhnököuâ li ve bongudru, kʼ ödru me didrö ka hnyin uma ʼmano.

Esodo 18:7 ပူးပေါင်းရင်းမြစ်များ

Genese 14:17

Ke ame he but than Sodoma he ka iouny më, wale a tiga hmetu ûheny hnyi hna kuc Kedalaoma me ta je than unyin, hnyi Save hnyigöulen bucen (wale hnyigöulen bucen anyin than).

Genese 18:2

ke e ame bwele me wâ, ke wâ bi ta hnyat a kun ödrin e tot hnyi hnyimakan: ke e ame ö ʼdrin me wadring dö he ka iouny mödrin ûheny hnyi uma mano, me nom ju hnyikânâi,

Genese 19:1

KE haba li angela ödru me o hnyi Sodoma hnyi sahac; ke Lota ame laba hnyi homagöuleny Sodoma: ke Lota ame ö ʼdru, me e ame tot he ka iouny mödru, ke e ame nom hnyikânâi;

Genese 29:13

Ke e ka löng Labana ûthumetu ga Jekob a nokon haniny, me e ame wadring he ka iouny më, me e ame delûâ e, me ûcimhnyimak më, me su e ka hnyi hnyaban. Ke e ame aû gaga kö Labana ta je ûnyi hia.

Genese 31:28

ke u je ca hna könya he ka ûcimhnyimak me je laöbik me lakuk? u monu u je ânyâ helâe.

Genese 43:26

Ke a o but Josefa ka hnyi uma, mʼ ödrin e hom kâu eiö hnyi uma anyidrin je bwihlany, me ödrin e nom ju hnyikânâi kâu.

Genese 45:15

Ke e ame ûcimhnyimak me je liamekeiny më hia, me tenge ködrin: ke hwaban e haba je liamekeiny më ödrin e ûhnenamö me.

Genese 46:29

Ke Josefa ame penapena anyin kariota, me he Gosena ai he ka iouny me Isaraela a kamen; ke ödru me iouny dö, me Josefa ame ta ju hon nyin, me tenge beû hmâ hon nyin.

II. Samuela 11:7

Ke ame o but Uria kâu, me Davita ame hnö, ka habe, Hawa ga Joab, ke hawa ge tavat, ke hawa ge vat?

I. Je Than 2:19

Haba Bathe-seba ame he kö Solomona than he ka ûhnenamö më ga Adonia. Ke than ame tot he ka ûkhanö më, ke e ame nom kâu, me laba hon anyin theron, me kunâ he ka ip ke theron hobi kâu hinyen than; ke momo ame laba hnyi ke keihen a metân.

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Esodo 18:6

ke ame ha kö Mose, ka habe, Inya Jethero ûngom oge me o köu me âiâm me lakom li baga a tha ödru me.

Esodo 33:7

Ke haba hwakeci Mose, me, e ame labö hom uma ûkhacaköu, me otilâ hoton hna hunuma, e ûsâkâûö me hna hunuma, ke e ame hwenyi ien, ka habe, Uma mano hnân ûkhacaköu. Ke haba tavat hia adre me elöm Iehova me adre me he but ka hnyi uma mano a uma ûkhacaköu wale hoton hna hunuma.

Esodo 4:27

Ke Iehova ame ha kö Arona, ka habe, He thö u he ka ûkhanö me Mose hori hnyebuba. Ke ame he me ûkhanö më hnyi bucen anyin Khong, me ûcimhnyimak më.

Numera 22:36

Ke a löng ut Balaka a e but ang Balaama, me e ame he ka ûkhanö mē hnyi taun Moaba, hnyi hnyigöulen Arenona, wale hnyi obiny hnyigot.

Luka 7:45

Haba u, u je ca ûcimhnyimak mönya: ke haba momo, hwânji hnyi ûen o ge didro kââng, e ame ca menâ he ka cem li cak.

Ta je huliwa 20:37

Ke adre me tenge gan hmâ hia, me hibö nyi Paulo me ûcimhnyimak mē,

Ta je huliwa 28:15

Ke e khana je liamekeiny eling öhmun, me adre me he but ke ne o but hnyi hna ûcû anyin Apio, me Kun ta Uma Menâ, he ka ûkhanö mʼ öhmun: ke haba Paulo ame ō ʼdrin me e ame ole ka Khong, me hwege hnyekon.

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

I. Samuela 17:18

me hom je fromage a ten ka taben anyidrin je thauzan, me wâ hawa ge latuhâm a kun, me kap anyidrin haten.

I. Samuela 17:22

Ke Davita ame hna anyin ta je ûnyi ka at ame tuö ta je ûnyi, me wadring ka hnyi hna vat, me he me iouny me latuhan.