Esodo 18:23 - Iaai Bible 1901 (New Caledonia)

²³ U je ne he ka ânyâ ûnyi e, me ame ne he Khong ka köp u hnyin, me u me he ka tethmâ, kʼ ame he tavat ang ka hnyi hnyabadra hnyi hnahic.

Esodo 18:23 ပူးပေါင်းရင်းမြစ်များ

Genese 18:33

Ke a um dö ûhnenamö Iehova me Aberahama, me ame he but: ke Aberahama ame hmetu ka hnyi hnyaban.

Genese 30:25

Ke a hia but Rakela hnöku Josefa, haba Jekob ame ha kö Labana, ka habe, Hnö nya but, mʼ inye hmetu ka hnyi gak, me ik hnyei.

II. Samuela 18:3

Ke haingen tavat, ka habe, U me ca he ka hnyi he: anyin ohmun e ne kec gadrin me ödrin e ca he ka oûnihnathu ohmun; ke ame ne mokcu ke keihen a haf gahmun, me ödrin e ca he ka oûnyihnathu ohmun: ke u ûcû me ten thauzan gahmun: anyin a wale e so u me penapena he ka hadruʼ ohmun ûnyi hnyi taun.

II. Samuela 19:39

Ke ame he hanyâûâ Joridano tavat hia, kʼ ame hanyâûâ minya than: ke than ame ûcimhnyimak me Bazilai me hahnahicâ; me e ame hmetu ka hnyi hnyaban.

II. Samuela 21:17

Ke haba Abisai nöku Zeruia ame hom hadruâ, me kot e, me hlingâ at Filisiti. Ke haba lakei Davita ödrin e khemanyin kâu, ka habe, U me ca he hmetu he ka tha he möhmun ka vat, wâ e nye omoko lamepainy Isaraela.

Esodo 16:29

Wâ bi, Iehova ame ham köbun sabath, waleling me me ham köbun hnyi bong a siksiny jeû ae ûco lo li bong; ve laba ju öbun hnyi je hnöbun, ame ca he ka he ke at ûheny hnyi hnen hnyi bong a seveniny.

Esodo 18:18

U ma he ka aû tot, u, me tavat eang unyâm; anyin ae hmak köu ûnyi eang; e ca khanö u he ka hake ânyâ.

Esodo 18:22

ke so odrin e he ka owisa tavat hnyi ta je ûen hia: kʼ odrin e he ka hom köu ta je ûnyi ae gan, kʼ odrin e he biju ka owisa ta je ûnyi ae ûhnyûkong hia: waleling me me hâhâ köu, kʼ odrin e hadruo u.

Esodo 18:24

Ke haba Mose ame löng ifucin ûngon, me ânyâ hia hnen hna ha.

Ta je huliwa 15:2

Haba Paulo me Banaba ödru me iwatetra me ivinö mʼ ödra, me adre me thamuâ he ka kunö Paulo me Banaba me keihen gadra Jerusalema ai ka ta je aposetolo me wahingat, can hnödra hna ivinö.

Galatia 2:2

Ke oge me he hoton hna omanenâ; me thumetu ödrin ge evangelia, oge khetâ ka Aten ke je hnyei; ke oge me ha duöngâ ka hnyat ae lung, wâ e nye ûnyi baû but wadring a inya, me hnok hna wadring ehac.

I. Samuela 8:22

Ke haba Iehova ame ha kö Samuela, ka habe, Long ju hodra, me otilâ tuhödra. Me Samuela ame ha ka at Isaraela, ka habe, Vese but öbun ka hnyi anyibun je taun.