Esodo 18:21 - Iaai Bible 1901 (New Caledonia)

²¹ Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Esodo 18:21 ပူးပေါင်းရင်းမြစ်များ

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

Genese 47:6

waleû hnyei Aigupito hnyi hnyimâkâm; olabā ju kâmâm me je liamekeiny möu hnyi kânâ ae hoso; e so ödrin e laba hnyi hnyei Gosena: ke e ka khanö u ke je hnyat ae meta unyidrin, otilʼ ödrin dö he ka musi hnyi ta je hnahat a halek.

II. Samuela 18:1

KE Davita ame aû tavat unyin, me otilâ hudrin je taben thauzan me je taben haded.

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

I. Je Than 18:3

Ke haba Ahaba ame hao Obadia, at ame tuö hnyaban. (Ke haba Obadia ame ot gan hmâ ga Iehova:

Ezera 7:25

He haba u Ezera, me u ma he ka otilâ tavat ûhnei me tavat owisa, hoton metâiny Khongom wale unyâm, he ka owisa ka tavat hia thithö hnyi ke keihen hoton wagewe, tavat hia ae khanʼ ödra hnanyibu anyin Khongom; ke nâ thö tavat ae ca khanʼ ödra.

Nehemia 5:9

Haingök minya, ka habe, E ca so ûnyi e öbun e ânyâ; hawa, öbun e ca he ka he me outen Khongutin, wâ e nye haikongoâ hnen je wanaithila a je iwahnaihmiony mötin?

Nehemia 7:2

me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 29:16

Inya ji kamen ka at ae theduoc: Ke haba ivinö ae ca khanö nya, oge me thang.

Jobu 31:13

Oge ne hia but hûkotiâ hofuc hmak anyin athnyabaik baga me momo, Hnyi ûen ödrin e ivino mönya:

Salamo 15:1

IEHOVA lö, ie at ame he ka mē laba hnyin umâm uma menâ? Ie at ame he ka laba hon ânyâm bucen ae kap?

Salamo 15:5

At ame ca mē ham anyin mone ge hwaban, Me ca kap hwaban hnân okongoâ at ae ba hnyikongon. Ame ca he balua ka bwebwet at ame mâdrâ ta je ûnyi e.

Esodo 17:9

Ke haingö Mose kö Josua, ka habe, Ûca thö hobi köta tavat, ke he thö ka vat me at Amaleka: haba nyi oge me he ka tot hnyi dok ae hut me uci anyin Khong hnyi hnyamök.

Esodo 18:25

Ke Mose ame ûca hnyat ae metâ unyin at Isaraela hia, me otilʼ odrin me je homakan tavat, a je taben thauzan, me je taben haded, me je taben fifte, me je taben libenyita.

Ta je Vejec 28:2

E se hia je tuhan hnyei can ta je hna hanyâûâ: ʼ Ke ame he ka beû musi hnen tavat wâ bongon me wâhmakhmeto.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Isaia 16:5

Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.

Isaia 33:15

Haba at ame vheno wisa, kʼ ame ha hofuc ae wisa; ke ame hûkotiâ hwaban hna ovecâ, kʼ ame jijingâ li hnyamen be me ca kap hwaban ae hwali, kʼ ame hlöng li hnyikonyen me me ca long ge dra, kʼ ame mûko li emakan me me ca wâ hulo;

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Ezekiela 18:8

at ame ca me ham mone ge hwaban, me ca hok hanen, ke ame ohmeto hnyamen ûnyi hnyi hulo, ke ame owisa wia hobi kâu ke at me ke at,

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Zakaria 7:9

Walang hna ha hnö Iehova tuhan sabaoth, haingen, ka habe, Owisa wia ju, ve omanenâ betenge me hnyok ae menyik ka je liamekeiny möbun:

Zakaria 8:16

Walang ûnyi öbun e he ka ânyâ. Ûhaköuâ thö hnathu; owisa hnatho thö me hnahic hnyi je homa-göulebun:

Numera 1:16

Wale hnyat adre hawâ ge ûkhacaköu, a je tuhan je tribuiny lakamödrin; ödrin je homakan je thauzaniny at Isaraela.

Numera 1:4

Ke ame he ka tha e möbu ke je hnyat, a ûsa khaca ûnyi hnyi je tribu; a je taben je lap anyin je lakamödrin.

Numera 10:4

Ke ödra ka he ka okhaca tûâ, me ame he ka ûkhacaköu köu ta je than, a je taben je thauzan unyin at Isaraela.

Luka 18:2

haingen, ka habe, Wale at owisa hnyi ke taun, at ame ca outen Khong, kʼ ame ca ogânâ at:

Luka 18:4

Ke e ame höcö hnyi ûen eling: ke hwaban dö e, e ame ha eû hnyi hnyekon, ka habe, Eja ke ne oge ne ca outen Khong, ke oge me ca ogânâ at;

Ta je huliwa 20:33

E ba sileva, me gol, me ûkkaû anyin ke at oge behnyekon.

Ta je huliwa 6:3

Anyin a wale, hnyat me lakeiny, ûca thö hnyat a seven gabun, je hnyat adre me lung so, hnyat ae unöngöt ge Hanu Kap me metâ, me ohmun e he ka otilʼ ödrin ka hnyi huliwa eang.

Deuteronomi 22:18

Ke hamen wahingatiny taun eling ka hom at e me kot.

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

Josua 22:14

ke tha e me je than a ten, ûsa khaca than anyin je kamen je lap hia thithö anyin je tribu Isaraela; ke haba ödrin hia, me ödrin je ban je lap anyin lakamödrin unyin je thauzaniny at Isaraela.

I. Samuela 8:12

ke e ame he ka otilʼ ödrin hobi kâu je taben thauzan, me je taben je fifte; me he ka wia kânâin kânâ, me subâ anyin hwit, me he ka tibet anyin je ûnyi hnân vat, me je ûnyi hobi kâu anyin je kariota.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.