Esodo 18:12 - Iaai Bible 1901 (New Caledonia)

¹² Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 18:12 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 26:25

Ke e ame otilâ eling ke taben hut, me hawâ iö Iehova, me otilâ eling umen uma mano: me je lanyi Isaaka ödrin e khû an hnyi dok eling.

Genese 26:30

Ke e ame ânyâ bijeû hobi ködrin, me ödrin e tha han meic.

Genese 31:54

Ke Jekob ame bi hudo ke hut hnyi bucen, me hawâ je liamekeiny më ka hnyi han areto: ke ödrin e han areto, me mokut hnyi bucen.

Genese 4:4

Ke haba Abela, e ame hom ûnyi hnyi hna hat mamoe je lakon a bân me je meno ae pipikhenya. Ke Iehova ame oûnyihnathu Abela me anyin hut:

Genese 43:25

Ke ödrin e penapena ta je bwihlany hobi kâu e ka o Josefa hnyi jebigö: anyin a ödrin e löng a ödrin e he ka hnyi han eling.

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

II. Samuela 9:7

Ke Davita ame ha kâu, ka habe, Ca ot, anyin oge me he ka betenge gam ga Jonathana a kâmâm, ke oge me he ka hna köu ta hnyei hia i Saulo a kibâm; ke u me he bala ka tha han mönya hnyi anyik laulau.

II. Man Ûlabainy Je Than. 30:22

Ke Hezekia ame fuc wia ka at Levi hia tavat ae metâ hnyi huliwa anyi Iehova. Me ödrin e bijeûâ hnyi seven je bongon, me hudo je hudiny ole, me omanenö hulo kö Iehova Khongon lakamödrin.

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Jobu 42:11

Me ame o kân je liamekeiny mē hia, me je lahaniny hia, me je hnyat hia a je liamewaeny hia mē ehac, me ödrin e tha han mē eio hnyin umen uma; me ödrin e tenge kâu, me otu bwelâ e hnyi ta je ûnyi hia ae kong walej a oâ kâu Iehova: ke ödrin e ve ham minya kâu ke mone, ke ûsa khaca otru gol.

Jobu 42:8

Ke walang ang hom dö hobi köbun bi je bolok a seven, me je mamoe baga a seven, ke he thö ko Jobu athnyabaik, me hudo hobi köbun hudiny leû; ke ame he Jobu athnyabaik ka hic hobi köbun; anyin a oge me he ka kap e, mʼ oge me ca he ka ânyâ köbun hoton anyibun monu; anyin a öbun e ca ha gak ûnyi ae wisa helâ me Jobu athnyabaik.

Esodo 18:13

Ke nyi ame laba Mose he ka owisa tavat: ke ame tot tavat hnyi hnyimakö Mose hwân hnyomakatu ke ne o but sahac.

Esodo 2:16

Ke e hu ge at bi hut hnyi Midiana lakon ta hlu a seven: kʼ ödrin e o but he ka se köiö me ounöngötâ ta je kumete he ka habelen ta je hnahat mamoe haleny ka-mödrin.

Esodo 2:20

Ke ame ha ka lakon je hlu, ka habe, E but ua? ke ieû gabun öbun e hna but at e? He thö ka hawâ e me hnyi han.

Esodo 20:24

U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

Esodo 24:11

Ke e ame ca ip hnyamen hon je thaniny lakon Isaraela: kʼ odrin e wâ Khong me han me ic.

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Esodo 33:7

Ke haba hwakeci Mose, me, e ame labö hom uma ûkhacaköu, me otilâ hoton hna hunuma, e ûsâkâûö me hna hunuma, ke e ame hwenyi ien, ka habe, Uma mano hnân ûkhacaköu. Ke haba tavat hia adre me elöm Iehova me adre me he but ka hnyi uma mano a uma ûkhacaköu wale hoton hna hunuma.

Daniela 10:3

E ba jeû ae so oge me an, kʼ ame ca dit ke utiö ke tap waina hnyi hnyimök, ke oge me ca sûö wakaco ke ne o but hnyi kun ta wik ae bekhot.

Numera 10:29

Ke haba Mose ame ha hö Hobaba, nöku Reuela, at Midiana, a ûngu Mose, ka habe, Ohmun e he ka hnyi hnyei waleji Iehova ame ha, ka habe, Oge me he ka ham köbun; aiö u ötin e tha he, ke ohmun e he ka ânyâ so köu, anyin a hia but Iehova ha so kö Isaraela.

Luka 14:1

KE e ame didro ka hnyi uma umen ke taben ta je Faresaio hnyi sabath he ka han, ke adre me tuö e.

Luka 14:15

Ame long ta je hofuc e hnen ke at ame tha laba mē, me e ame ha kâu, ka habe, Hnahic hnen at ame he ka hnyi han hnyi dokhu dokhon Khong.

I. Korinito 10:18

Wâ bi at Isaraela hoton unyin; hawa, haba tavat adre me han hnyi taben hut, e ca tha hu kodra me taben hut?

I. Korinito 10:21

E ca khanʼ öbun he ka ijem kaia belen Than me kaia belen ta je demoni: e ca khanʼ öbun he ka ve hu ûnyi hnyi laulau anyin Than, me laulau anyin ta je demoni.

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

Deuteronomi 12:7

ke öbun e he ka han e hnyi hnyimakö Iehova Khongubun, me öbun e he ka senyinâ ta je ûnyi hia öbun e ânyâ, öbun me anyibun je lap, wale ame ohnahici u hnyin Iehova Khongom.

Deuteronomi 27:7

ke u me he ka hudo je hudiny ûsoköu, me han eling; ke u me he ka senyin hnyi hnyimakö Iehova Khongom.