Esodo 18:11 - Iaai Bible 1901 (New Caledonia)

¹¹ E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Esodo 18:11 ပူးပေါင်းရင်းမြစ်များ

I. Je Than 17:24

Ke haingen momo kö Elia, ka habe, Walang e khanö nya a u aten Khong, ke e hnathu hofuc ho Iehova hnyi hnyimâm.

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

I. Man Ûlabainy Je Than. 16:25

Anyin ae gan hmâ Iehova, me hnân he ka ti ogânâ: Ke hnân minya outen hon ta je khong hia.

II. Man Ûlabainy Je Than. 2:5

Ke e gan hmâ uma oge me op, anyin ae beönua Iehova Khonguhmun hon ta je khong.

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Nehemia 9:16

Ke ödrin e bi gan me lakamödrin, me ohwegiâ je nyidrin, me ca long bi ânyâm je hnanyibu,

Nehemia 9:29

ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Salamo 119:21

U je hia but oû tavat bi gan a tavat hnaûhango, Tavat adre me he monu ûnyi hnyi ânyâm ta je hnanyibu.

Salamo 135:5

Anyin ae khanö nya a e gan hmi Iehova, Kʼ ame beönua Tuhöta hon ta je khong hia.

Salamo 31:23

Hnyok ju kö Iehova, öbun laten ae kap hia: Iehova ame tuö tavat ae hnathu. Me bi hwaban gânâ ka at ame ânyâ hwakecin bi gan.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Salamo 97:9

Anyin a u beönua hmönyin Iehova hon hmeledrany hia thithö: Adre ti ogöranyi u hon ta je khong hia thithö.

Esodo 1:10

ai öbun, ötin e he ka ânyâ metâ ködra; wâ adre nye se but, ke ame ne o thö vat, me adre me he ka utut ka ta je iwahnaihmiöny niötin, me tet metâ köta, me kec ûnyi hnyi hnyei.

Esodo 1:16

ke haingen, ka habe, Öbu ka he ka tuö erkin anyin at Heberu, me ô ʼdrin adre me he ka hnokoâ; ke ame ne baga hlingâ but: kʼ ame ne hlu, me ame he ka möt.

Esodo 1:22

Ke Farao ame hûna ka lakeiny hia, ka habe, Öbun e he ka khûâ ka hnyi wagewe je wainda hia adre hnokoâ, ke omelö ju je waindusem hia.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 12:12

Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Esodo 14:18

Kʼ ame he ka khana hnen at Aigupito a inya Iehova, iny ka hia but oganö nya bi ga Farao, me anyin je kariota, me anyin tavat tabö hos.

Esodo 14:8

Ke haba Iehova ame onâkâ hnyeku Farao than Aigupito, kʼ ame hnu lakon Isaraela: anyin a haba lakon Isaraela adre me he me tang hwege.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 5:2

Ke Farao ame ha, ka habe, Ia Iehova mʼ inye he ka löng ifucin he ka hna but at Isaraela? E ca khanö nya Iehova, ke oge me ca he bi nya ka hna but at Isaraela,

Esodo 5:7

Ca he hmetu bi öbun ka ham thatûnyin hwit ka tavat hnân ânyâ veto kânâ helâ me ehac: hamödra ka hlo thatûnyin hwit hobi ködra bi.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Numera 33:4

kʼ ame tiga konâm lakudra a bân hia hnen at Aigupito, waleji u hlingâ Iehova unyidra: ke Iehova ame bi hwaban minya anyidra je khong.

Luka 1:51

E ame omanenâ tang hwege ge hnyamen; Kʼ ame oveseâ but tavat hnyi biganiny hnyekudra.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

I. Samuela 2:3

Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.