Esodo 18:10 - Iaai Bible 1901 (New Caledonia)

¹⁰ Ke haingö Jethero, ka habe, Ole kö Iehova at ame omeli öbun ûnyi hnyi hnyamen at Aigupito, me hnyamö Farao; at ame omelö tavat ûnyi hnyi hmelen hnyamen at Aigupito.

Esodo 18:10 ပူးပေါင်းရင်းမြစ်များ

Genese 14:20

Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia.

Genese 24:27

Ke haingen, ka habe, E so adre me haisoi Iehova, Khongu Aberahama a tuhök, at ame ca hota degecâ anyin ibetengiö me hnathu ka tuhök: ke haba inya, me a hia but Iehova su nya hnyi getheniny hnyaban liamekeiny me tuhök.

II. Samuela 18:28

Ke Ahimaza ame hongot, me ha ka than, ka habe, E hnahic ut. Ke e ame nom hnyikânâi hnyi hnyimakan than, me ba, ka habe, Ole kö Jehova Khongom at ame hom hwenbâ tavat adre me hoibeny ka than a tuhok.

I. Je Than 8:15

Ke haingen, ka habe, Ole kö Iehova, Khongu Isaraela, at ame ha ge hnyimen kö cica Davita, me ohwâdâ ge hnyamen, ka habe,

I. Je Than 8:56

Ole kö Iehova at ame omenâ lakeiny a at Isaraela, helâ me hnen hna ha bânâ hia: e ca haû bi ke hofuc a khaca hnyi hwan ta je hofuc hia ae so, waleji e ame ha a deny Mose athnyabainy.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Luka 1:68

E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

I. Thesalonika 3:9

Ke ieû ole e khanʼ öhmun he ka ham ka Khong gabun, ûnyi hnyi ta je senyin hia thithö öhmun e senyin gabun hnyi hnyimakan Khong;

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Samuela 15:6

Ke haba Saulo ame ba ka at Keni, ka habe, E, kec dö öbun, utut ge at Amaleka, wâ oge ne he ka tha ohiʼ öbun mödrin: anyin a öbun e betenge ge lakon Isaraela hia waleji hnyi ûhedrin jem ûheny Aigupito. Me ame he but at Keni ge at Amaleka.

I. Samuela 25:32

Ke Davita ame ha kö Abigaila, ka habe, Ole kö Iehova Khongu Isaraela at ame kunö u he ka ûkhanö mönya hnyi bong ang: