Esodo 17:2 - Iaai Bible 1901 (New Caledonia)

² Waleling me me he tavat ka û Mose, me ha, ka habe, Habelihmun. Ke Mose ame ha ködra, ka habe, Ieû gabun öbun e û nya? Ieû gabun öbun e cubic Iehova?

Esodo 17:2 ပူးပေါင်းရင်းမြစ်များ

Salamo 106:13

Kʼ adre me ie hnying ut hnen je hna ânyâ; Kʼ adre me ca lubahingen bi anyin ûhnenamö:

Salamo 106:14

Kʼ adre me behnyekon gan hmâ hnyi hnyebuba, Me cubec Khong hnyi hnyebuba.

Salamo 78:18

Ke adre me cubec Khong ge je hnyekudra Hnyi hnödra hna sumatö ö ʼdra meno.

Salamo 78:41

Ke adre me hmetuhmetu me cubec Khong, Me haiûhnyûkongoâ At ae Kap anyi Isaraela.

Salamo 78:56

Ke so bi adre me cubec me ûkhin fuc me Khong ae Beönua, Me ca vheno bi hnen je hna ohnatho.

Salamo 95:8

Ca okhötâ bi je hnyekubun helâ me eji hnyi Meriba, Ke helâji me bonginy Masa hnyi hnyebuba:

Salamo 95:9

Waleji a cubic nya hnyin ta je lakamöbun, Me nö nya, me wâ anyik huliwa.

Esodo 15:24

Ke haba tavat adre me etrö Mose, me habe, ohmun e he ka ic ieû?

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Esodo 17:7

Ke e ame hwenyi ien dok eling Masa, me Meriba, can fuc a lakon Isaraela, me can hnödra hna cubic Iehova, me habe, Hawa, ka e Iehova unyita, ame ne ba?

Esodo 5:21

ke haingödrin ködru, ka habe, Hamö Iehova he ka ö ʼbu me owisa, anyin a öbe obokongi öhmum kö Farao, me lathnyabainy, he ka ham hele vat ka hnyi hnyamödrin he ka hlingʼ ohmun.

Isaia 7:12

Haba Ahaza ame ha, ka habe. Oge me ca he ka sumat, ke oge me ca he ka cubic Iehova.

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Numera 21:5

Me haba tavat adre me fuc hwege ka Khong me Mose, me ha, ka habe, Ieû gabu öbe hum ohmun ûhehmun Aigupito he ka mokcu hnyi hnyebuba? anyin ae ba han, ke ba köiö; kʼ ohmun höcö han eang ae haba.

Mataio 4:7

Haba Iesu ame ha kâu, ka habe, Adre hia but sihnalimen minya, ka habe, U me ca he ka cubec Than a Khongom.

Luka 15:12

ke haingen wakeiat ka kamen, ka habe, Cicö lö, ham dö könya jekhöûk. Me e ame khenâ ködru anyin ta je ûnyi.

Luka 4:12

Haba Iesu ame thu kâu, ka habe, Adre hia but ha, ka habe, U me ca he ka cubec Than a Khongom.

Ta je huliwa 15:10

Anyin a wale ieû gabun öbun e cubec Khong, tue ip hnân ûhûkâlâköuâ hon nyin je laten, waleji ae ca khana lakamötin, mʼ otin minya he ka vadren?

Ta je huliwa 5:9

Haba Peteru ame ha kâu, ka habe, Ieû gabu ae tha hnyekubu he ka cubec Hanon Than? wâ bi, eû hnyi hwanuma tavat adre me konâm âiâm, ke adre me he minya ka sam u.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Deuteronomi 6:16

Ca he öbun ka cubic Iehova Khongubun, helâ me hnobun hna cubic e hnyi Masa.

Deuteronomi 9:22

Ke öbun e ohmönyini Iehova hnyi Tabera, me Masa, me Kiberoth-atava.

Heberu 3:9

Adre cubic nya lakamöbun hnyin, me elâm bonguk, Me wâ anyik ta je huliwa hnyi ta je huna a fâte.

I. Samuela 8:6

Ke e kong kö Samuela, hnödrin hna ha, ka habe, Ham dö kohmun than he ka owisa kohmun. Ke Samuela ame hic dö kö Iehova.