Esodo 17:14 - Iaai Bible 1901 (New Caledonia)

¹⁴ Ke Iehova ame ha kö Mose, ka habe, Sihnalimen ju hnyi tusi hnân oûnykûmiâ, ke nâ thö aû kö Josua: a oge me he ka ti ohia at Amaleka mʼ adre me ca he ka ûnykûme hmetu gadra eang hmelen.

Esodo 17:14 ပူးပေါင်းရင်းမြစ်များ

II. Samuela 1:1

KE hwaban mok anyi Saulo, ke a hmetu Davita ûheny hnyi hna kot at Amaleka, ke lo li bong Davita ame laba hnyi Zikelag;

II. Samuela 8:12

ûnyi Suria, me Moaba, me laku Amona, me at Filisiti, me Amaleka, me ûnyi hnyi hna hûgûnâ ga Hadadeza nöku Rehoba, thaniny Zoba.

I. Man Ûlabainy Je Than. 4:42

Ke haba keihen gadrin, wale je laku Simeona, a faiv haded obaga ödrin e he ka hnyi bucin Seira, ke haba anyidrin je taben, jia Pelatia, me Nearia, me Refaia, me Uziela, je baga laku lehi.

I. Man Ûlabainy Je Than. 4:43

Ke ödrin e kot je kolon at Amaleka a je wan biju, me laba ju eling ke ne o but hnyi bong ang.

Ezera 9:14

hawa ohmun e ne he ka he hmetu ka hanyâûâ ânyâm je hnanyibu, me ûhamtamomo me tavat adre me ânyâ je ûnyi ae ikiki eling? hawa, u me ca he ka hmönyâm kohmun ke ne o but adre me ohiʼ ohmun, me ba ju kolon, me at ae möt?

Jobu 18:17

Adre me ca he hmetu ka ûnykûme kâu eang hmelen, Ke ba hmetu ien bi eû hnyi gethen.

Jobu 19:23

Ödra na he ju ka sihnalimen walang ang hok hofuc! Ödra na he ju ka set hnyi tusi!

Salamo 9:6

Haba iwahnaihmiony adre me oumʼ ödra bi, e ba wan gadra balua; Me je taun u je hia but oc degecâ, A aû but minya hna ûnykûme kodra.

Esodo 12:14

Ke ame he bong ang ka oûnykûmi öbun, mʼ öbun e he ka ânyâ hnyin bijeû kö Iehova: hnyi anyibun je dö hia öbun e he ka bijeû helâ me hnanyibu nyiele balua.

Esodo 13:9

Kʼ ame he ka bi haten köu ûnyi eling hnyi hnyamâm, me hnân oûnykûmeâ hnyi wanben li emâkâm, me me he hnanyibu anyi Iehova ka hnen hnyi hnyimâm: anyin a Iehova ame hum u ûhem Aigupito hnen hnyamen ae hwege.

Esodo 17:13

Ke Josua ame kot at Amaleka me tavat unyidra ge hele vat.

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Esodo 32:33

Ke Iehova ame ha kö Mose, ka habe, Haba at ame monu könya oge me he ka kot degecâ anyi hnyi anyik tusi.

Esodo 34:27

Ke Iehova ame ha kö Mose, ka habe, Sihnalimen ju ta je ûnyi ang: anyin a oge hia but ûhihinyköu möu me at Isaraela hoton je hofuc e.

Ta je Vejec 10:7

E so he ka ûnykûme ka at ae wisa: Ke ame he ka bobot ien at ae kong.

Jeremia 30:2

Walang hna ha hnö Iehova, Khongu Isaraela, ka habe, Sihnalimen ju hnyi tusi ta je hofuc hia wale oge me ha köu.

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Numera 24:20

Ke e ame bwele ka wâ Amaleka me e ame ha anyin ûhöûcû, ka habe, E beönua Amaleka ehac hnyi je hnyei; Ke haba obiny kâu me e ame he ka hia but.

Numera 33:2

Ke haba Mose ame sihnalimen bongon ûhedra hoton hna hûna hnö Iehova: ke walang bongon ûhedra.

Deuteronomi 31:9

Ke haba Mose ame sihnalimen hnanyibu eang me ham e ka hnyat bihut a laku Levi, tavat adre me vadren tangen ûhihinyköu anyi Iehova, me wahingatiny at Isaraela hia.

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.

I. Samuela 15:18

ke Iehova ame kunö u he ka vheno ke keihen hnyei, me ha köu, ka habe, He thö, me ti ohia but tavat ae kong a at Amaleka, me vat ju mödra ke ne o but ame hiʼ ödra.

I. Samuela 30:1

KE ame o Davita me je aten hnyi Zikelag hnyi bong a kuniny, me ame hia but utut at Amaleka ka hnyi hon ke keihen hnyi Hwaiöu, me hon Zikelag minya, me kot Zikelag, me thoug ge meic:

I. Samuela 30:17

Ke haba Davita ame kuc ödrin hwân hnyi hauhaotreng ke ne o but nyi hnyi sahac: ke ba at ame kec möt, ke so thibi ta je hidröu a foa haded, a hnyat tabâ je kamela mʼ ödrin e kec.