Esodo 16:8 - Iaai Bible 1901 (New Caledonia)

⁸ Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Esodo 16:8 ပူးပေါင်းရင်းမြစ်များ

Esodo 16:12

Oge löng ut ietra anyin lakon Isaraela: ha thö ködra, ka habe, Eâu sahac öbun e he ka han meno, ke haba hnyi hnyomakatu ame he ka sekubun ge jeû; kʼ öbun e he ka wâhmakhmeto a inya Iehova Khongubun.

Esodo 16:9

Haba Mose ame ha kö Arona, ka habe, Ha thö ka ûkhacaköu hia anyin lakon Isaraela, ka habe, Hakekeny dö ka hnyi hnyimakö Iehova: anyin a löng ut hnöbun hna etra.

Esodo 17:2

Waleling me me he tavat ka û Mose, me ha, ka habe, Habelihmun. Ke Mose ame ha ködra, ka habe, Ieû gabun öbun e û nya? Ieû gabun öbun e cubic Iehova?

Isaia 32:6

Anyin ame he at ae monu ka ha hofuc ae monu, kʼ ame he hnyekon ka ânyâ hulo, wale he ka ânyâ hwakecin ae ca ûcû, me ha monu ga Iehova, me oba jeû ka at ae mekihnânem, me ohmö köiö belen at ae beic.

Isaia 37:29

Can hnâm hna hmonyin könya, ke ame o but ka hnyi li hnyikönyök hnâm hna bi gan könya, me oge me he bi nya ka inâ anyik otru hnyi hnyingoiâm, me anyik fao hnyi li esongodâm, ke oge me he ka ohmetu u hnyi gethen u je o hnyin.

Numera 11:18

Ke u me he ka ha ka tavat, ka habe, Okabi öbun dö hobi kâu nyi, mʼ öbun e he ka han utiö: anyin a öbun e hia but tenge ka hnyi li hnyikönyö Iehova, me ha, ka habe, Ia ame he ka ha ohmun ge utiö? anyin ae so köhmun ehac hnyi hnyei Aigupito: waleling me me he Iehova ka ha öbun ge utiö.

Numera 14:27

Oge me he ka hokhnyokâ ke ne o but kehö ûkhacaköu eang ae kong, tavat adre me ulidri nya? oge löng ut ulit anyin lakon Isaraela wale adre me ulidri nya.

Numera 21:7

Me ame he tavat kö Mose, me ha, ka habe, Öhmun e hia but ânyâ hulö, anyin a ohmun e fuc hwege kö Iehova, mʼ u: ö u hic dö kö Iehova, me me he ka ohia je on unyihmun. Ke Mose ame hic hobi kâu tavat.

Mataio 10:40

Haba at ame köp öbun, me ame köp nya minya, ke haba at ame köp nya, me ame kap at a kunö nya.

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Luka 10:16

Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Ioane 13:20

E hnathu, e hnathu, inya oge me ha köbun, ka habe, Haba at ame kap at oge kunâ, me e ame köp nya minya; ke haba at ame köp nya, me e ame kap minya at a kunö nya.

Roma 13:2

Anyin a wale haba at ame thu musi, me ame thu hna otilâ hnen Khong: kʼ ame he ka kap hnaûhango hnen hnyat adre me thu.

I. Korinito 10:10

Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia.

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

I. Samuela 8:7

Ke Iehova ame ha kö Samuela, ka habe, Long ju hofuc hwan tavat, wale adre me ha hia köu: anyin a ödrin e ca hna degeci u, ke ödrin e hna degeci nya bi, me inye ca thanidrin.