Esodo 16:3 - Iaai Bible 1901 (New Caledonia)

³ ke haingen lakon Isaraela ködru, ka habe, Ohmun na mokcu hnen hnyamö Iehova hnyi hnyei Aigupito waleji ohmun e laba hnyi je hna öt meno, me han areto me sekuhmun; anyin a öbe hum ohmun ka hnyi hnyebuba eang he ka hlingâ ûkhacaköu ang hia ge mekihnânem.

Esodo 16:3 ပူးပေါင်းရင်းမြစ်များ

II. Samuela 18:33

Ke ame hmak hmonyin than, me ölö ka hnyi hnyeule hon homagöule, me tenge: ke e ame he kʼ ame ha helâng, ka habe, Ekölö ge nökuk Abasoloma, e köiö ge nökuk, nökuk Abasoloma! Ekölö, iny na mokcu me hwabâm, Ekölö Abasoloma, nökuk, nökuk!

Jobu 3:1

HWABAN e haba Jobu ame fuc dö me hangâ bongon bong.

Jobu 3:10

Anyin a e ame ca theling nya hnyi hnyeku bai, Me ikhâlâ vec ge li emakök.

Jobu 3:20

Hnân eû adre me ham melam ka at ame vec, Me möt ka at ae hlöuhlöu hnyok:

Salamo 107:5

Adre me mekihnânem me beic, Me e hlohlo ta je hanudra eû hnyidra.

Salamo 78:19

Eke, adre me ulidro Khong; Haingödra, ka habe, Hawa, e khana Khong he ka laulau hnyi hnyebuba?

Salamo 78:25

Haba tavat, adre me ve an jeû an tavat ae hwege: E ame kûnâ kodra jeû a sekudra.

Esodo 14:11

Ke haingödra kö Mose, Hawa, e ba je erkemok hnyi Aigupito, mʼ u me hum ohmun ka mok ang hnyi hnyebuba? Ieû ang u je ânyâ köhmun, ka hum ohmun ûhehmun Aigupito?

Esodo 17:3

Ke haba tavat adre me beic eling; kʼ ame etrö Mose tavat me habe, Ieû gam u je hum ohmun ûhehmun Aigupito he ka hlingʼ ohmun me lakuhmun me halehmun je meno ge beic?

Esodo 2:23

Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra.

Esodo 5:21

ke haingödrin ködru, ka habe, Hamö Iehova he ka ö ʼbu me owisa, anyin a öbe obokongi öhmum kö Farao, me lathnyabainy, he ka ham hele vat ka hnyi hnyamödrin he ka hlingʼ ohmun.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 42:14

me ha, ka habe, Ohe, ohmun e he ka he ka hnyi hnyei Aigupito, me ohmun e ca he ka löng vat eling, me löng ifucin trutru, ke ame ca he bi ka hmiâ jeû; ke ohmun e he ka laba eling:

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Je tenge anyi Jeremi 4:9

E so tavat adre me hlingâ ge hele vat hon tavat adre me mok ge hmiâ; Anyin a ödra aû but, adre kot moko, anyin a ba but wan kânâ.

Numera 11:15

Ke u je ne ânyâ helâe könya, me ö u hlingö nya but u je ne betenge gak; mʼ oge me ca he ka wâ anyik hlöuhlöu.

Numera 11:20

ke so bi ama khaca tehi, ke ne o but e ka o but e hnyi je hnyingöibun, ke öbun e he ka ikikiâ e: anyin a öbun e hûkötiö Iehova at ame tha e möbun, me tenge hnyi hnyimakan, ka habe, Ötin e he jem geû ûheta Aigupito?

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 14:3

Ke ieû e ga Iehova a hum ohmun ka hnyi hnyei eang he ka mok ge hele vat? Adre me he ka hûgûnâ laöiöhmun me lakuhmun je wanakat: hawa e ca so kohmun he ka hmetu Aigupito ai?

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 16:41

Ke haba nyi ame ulidri Mose me Arona hnen ûkhacaköu hia, me habe, Öbe hlingâ je atö Iehova.

Numera 21:5

Me haba tavat adre me fuc hwege ka Khong me Mose, me ha, ka habe, Ieû gabu öbe hum ohmun ûhehmun Aigupito he ka mokcu hnyi hnyebuba? anyin ae ba han, ke ba köiö; kʼ ohmun höcö han eang ae haba.

Ta je huliwa 26:29

Me haingö Paulo, ka habe, Inya oge me khöû ka Khong, me me ca hake u thibi, ke ödra hia minya adre me ling nya hnyi bong ang, ame ne ûnyi ge hofuc ae ûhnyûkong ame ne gan, a gʼ adre he bi ka helâ mönya, ke ca ha bi hna co nya eang.

I. Korinito 4:8

E sekubun dut walang ang, öbun e tren omjeû walang ang, öbun e bi than ke hiʼ ohmun: e na hnathu ju bi than a öbun, möhmun e he minya ka hnyi than unyibun.

II. Korinito 11:1

EWEK öbun e ha ka hokhnyoki nya okhulit thibi hnyi anyik monu: eke, hokhnyoki nya ju.

Deuteronomi 28:67

hnyi hnyomakatu u me he ka ha, ka habe, E na sahac ut! ke e sahac me u me he ka ha, ka habe, E na hnyomakatu but! anyin ae ot hnyekom, ke can ta je ûnyi u me wâ ge li emakâm.

Deuteronomi 8:3

Ke e ame oûhnyûkongi u, me omekihnânemi u, me hâm ge mana, wale ûnyi ae ca khanö u, ke ca khana minya lakâmâm; me me khanö u thö a gʼ ame ca möt at hnen thibi areto, kʼ ame möt bi at hnen ta je ûnyi hia ame o ûnyi hnyi hnyimö Iehova.

Josua 7:7

Ke Josua ame ha, ka habe, Ekölö Than Iehova, ieû gam u je hom tavat eang he ka hanyâûâ Joridano, mʼ u me he ka hnʼ öhmun ka hnyi hnyamen at Amora, he ka ohiʼ öhmun? e na sekuhmun he ka laba hnyi ke kheihen Joridano e deiö!