Esodo 16:23 - Iaai Bible 1901 (New Caledonia)

²³ Me e ame ha ködrin, ka habe, Walang hna ha hnö Iehova, ka habe, haba bong nyi me hnân menâ ae ûnyi hnathu, sabath ae kap kö Iehova: haba hnöbun hna he ka thân, thân ju, ke haba hnöbun hna he ka ölâ, ölâ ju; ke hip kamec ju kolon hobi köbun hnyi hnyomakatu.

Esodo 16:23 ပူးပေါင်းရင်းမြစ်များ

Nehemia 9:13

Ke u je utut ka hnyi hon bucen Sinai, me ûhnenamö mödrin ûnyi hnyi drany, me ham ködrin je hna owisa ae ûcû, me je hnanyibu ae hnathu, me je hna otilâ me hna hûna ae so:

Nehemia 9:14

me omanenâ ködrin ânyâm sabath ae kap, me ha ködrin je hna hûna, me je hna otilâ, me hnanyibu a deny Mose athnyabaem:

Esodo 16:19

Ke haingö Mose ködra, ka habe, Ca he ke at ka hip kamec ke ne o but hnyomakatu.

Esodo 23:12

Hnyi ta bong a siks u ma he ka ânyâ je hûdrâm, ke haba hnyi bong a seveniny u me he ka menâ: me me hnyi menâ halem bolok, me halem asina, me me he ka ohwegiâ hmeto nokon athnyabaem a momo, me atkanyua.

Esodo 31:15

Siks je bong hnân huliwa; ke haba bong a seveniny, me, wale sabath hnân menâ, e kap hobi kö Iehova: ke haba at ame he ka bi huliwa hnyi bong sabath, me, adre me he ka hlingâ.

Jeremia 17:22

ke ca he öbun ka hok ûnyi ûnyi hnyi umöbun je uma hnyi bong sabath, ke ca ânyâ bi ke huliwa, ke so öbun e okâbâ bong sabath, helâji me hnok hna hûna ka lakamöbun;

Levitiko 23:3

Siks je bong adre me he ka huliwa, ke haba hnyi bong a seveniny, me wale sabath hnân menâ, me ûkhacaköu ae kap: ca he öbun ka ânyâ ke huliwa: wale sabath anyi Iehova hnyi je hnyababun hia.

Numera 11:7

Haba mana me wale ke ûnyi helâ me onyen gada, ke haba bongon, at ka wâ, me helâ me bedola.

Numera 11:8

Ke haba tavat adre me ngenu me aoc, me oamamâ hnyi li veto, ame ne kokot e hnyin kumete, kʼ adre me thân hnyi öt, me up aretoiny, ke haba bunen me helâ me wakaco ae teb ûnyi, at ka drem.

Luka 23:56

Ke ödrin e hmetuhmetu me penapena ta je ûnyi ae bo so me je muro. Ke ödrin e menâ ju hnyi sabath helâ me hnanyibu.

Deuteronomi 5:12

U ma tuö bong sabath he ka okabâ e, helâ me Iehova Khongom ame hûna köu.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,