Esodo 15:7 - Iaai Bible 1901 (New Caledonia)

⁷ Ke ûnyi hnyi ûganiny ibeönuaiâm u je hagutʼ odra tavat adre me tot köu: U je kunâ ânyâm hmönyin, mʼ adre me aû but helâ me tiren.

Esodo 15:7 ပူးပေါင်းရင်းမြစ်များ

Jobu 9:4

E at ae metâ hnyekon, ke gan hmâ man: Ewa at ae hwege hnyimakan kâu, me me ton?

Salamo 148:13

E so adre me he ka ogânâ iö Iehova; Anyin ae hake gorany thibi ien: Ethö hon hmeledrany me drany anyin hmanenang.

Salamo 59:13

Öaûʼ Ödra but ge hmonyin, öaûʼ ödra but, me me hiʼ ödra but: Ke okhanʼ odra thö a gʼ ame musi Khong hnyi wanbö Jekob, [Sela. Ke ne o but hnyi je can hmeledrany.

Salamo 68:33

At ame tabâ draniny ta je drany, a ûnyi adrem; Wâ bi, e ame ha hofuc ge hwan ae hwege.

Salamo 83:13

Khonguk lö, oûcû ödra me sesâ ame khenyi ge ang; Me thatûnyin hwit ame oû ang dö.

Esodo 14:27

Ke haba Mose ame inâ hnyamen hon köiö, me ame khutu hmetu but köiö ka hnyi hnen, hnyi ioiny dö lany; ke haba at Aigupito adre me kec me ûkhöû me: ke Iehova ame khûâ at Aigupito ka hnyi wanben köiö.

Esodo 5:12

Waleling me me vese but tavat hnyi hnyei Aigupito he ka hlo tiren hwaban thatûnyin hwit.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Isaia 37:17

Iehova lö, tä ju hnyikönyâm me long; Iehova lö, hmak dö me wâ; me long ju hofuc ho Saneribi, wale e ame ûkhûnöng he ka haikongoâ Khong ae möt.

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 37:29

Can hnâm hna hmonyin könya, ke ame o but ka hnyi li hnyikönyök hnâm hna bi gan könya, me oge me he bi nya ka inâ anyik otru hnyi hnyingoiâm, me anyik fao hnyi li esongodâm, ke oge me he ka ohmetu u hnyi gethen u je o hnyin.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 37:38

Ke e ame hic hnyi uma umo Niseroka a khongon, me ame kot e ge hele vat hnen li lakon jia Aderamelek me Sarezera: ke ödru me kec ka hnyi hnyei Ararata. Ke ame than biju Esar-adon a nokon hwaban.

Isaia 47:14

Wâ bi adre me he ka helâ me thatûnyin hwit; kʼ ame he meic ka thong degeci ödra; kʼ adre me ca he ka omeli ödra ûnyi hnyi maniny bâhlân; kʼ ame ca helâ me walep hnân hlok, ke meic adre laba hnyi hnyimakan.

Isaia 5:16

ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Jeremia 10:6

E ba ju ke at ae ûcû möu Iehova: u gan hmâ, ke gan hmâ iâm hnyi man.

Mika 4:11

Ke walang ang ame ûkhacaköu je hnyei ae se ûcom, ke haingodra, ka habe, E so e ame kong bi, e so ate me wâ weta ka Ziona ge je emaköta.

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Zakaria 14:8

Ke haba hnyi bong eling ame he ka di köiö möt ûheny Jerusalema; ame he ka di hanen ka hnyi köiö e deiö, ke ke hanen ka hnyi köiö e jio: ame he ka e bi hnyi honivakeny me hnyeun.

Zakaria 2:8

Anyin a walang hna ha hnö Iehova tuhan sabaoth, ka habe, E ame hia but kunö nya ka hnyi je hnyei iny tavat adre me sei öbun he ka hom hmanenang: anyin a haba at ame kalʼ öbun, me ame ka kâlâ wan emakan bi.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Ta je huliwa 9:4

me e ame ta but ka hnyi kânâ, me ame long ke hofuc ame ha kâu, ka habe, Saulo, Saulo lö, ieû gam u me okongu nya?

Deuteronomi 33:26

Jesuruna lö, e ba at ae ûcû me Khong, At ame tabâ drany me me hadruo u Ke hon je ûlâ hnyi anyin hmanenang.

Deuteronomi 4:24

Anyin a meic ae han Iehova Khongom, Khong ame ciâ.

Heberu 12:29

anyin a haba Khonguta, me meic ame han hmonyin.