Esodo 15:26 - Iaai Bible 1901 (New Caledonia)

²⁶ ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 15:26 ပူးပေါင်းရင်းမြစ်များ

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

II. Je Than 2:21

Me e ame he ka hnyi hna pupuainy je köiö, me khûâ sâlt ka hnyin, me ha, ka habe, Walang hofuc ho Iehova, ka habe, Oge hia but osoâ je köiö ang; kʼ ame ca he ka o hmetu mok ûnyi gan, me hnyei baga.

II. Je Than 20:5

Hwio hmetu thö, me ha kö Hezekia, a taben lakeik, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ deköiâm: me wâ bi, oge me he bi nya ka omeli u: haba hnyi bong a kuniny u me he ka he ka hnyi uma umo Iehova.

II. Je Than 22:2

Ke ame ânyâ ûnyi ae so hnyi hnyimakö Iehova, me vheno gethen hia de Davita a kiben, kʼ ame ca saû ka hnyi ke keihen metâ me me.

Jobu 5:18

Anyin a e at ame ovecâ me lan minya; E at ame bi aat me ometo minya ge li hnyamen.

Salamo 103:3

Wale at ame hna degecâ ânyâm ta je hulo hia; Me ometo hnâm je mok hia;

Salamo 147:3

E ame ometo tavat ae vec hnyekudra, Me lan hnödra ta je aat.

Salamo 81:9

Ame ca he ka e unyâm ke khong kanyua; Ke u me ca he ka khudrung ka khongon ke hnyei.

Esodo 12:29

Ke haba hnyi wanbenset Iehova ame kot ta je atö hia thithö hnyi hnyei Aigupito, hwân ge atö noku Farao a tabâ anyin theron, ke ne o but ka je atö lakon je bâ hnyi uma ceat; me je atö lakon je meno hia.

Esodo 19:5

Ke walang ang öbun e ne he ka löng hoton hok hofuc me vheno anyik uhihinyköu, mʼ öbun e he ka helâ me omjeû ae ûnyi hnathu hon ta je hnyei hia: anyin a anyik hmeledrany hia:

Esodo 19:6

kʼ öbun e he ka dökuk dökhu a je at bihut, me hnyei ae kap könya. Wale hofuc u me he ka ha ka lakon Isaraela.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 23:25

Kʼ öbun e he ka bi athnyabai Iehova Khongubun, me ame he ka hahnahicâ âm me belâm; ke oge me he ka hom mok ûnyi gam.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Jeremia 11:7

Anyin oge ha hwegiâ ka lakamöbun hnyi bong oge hum ödra hnyin ûnyi hnyi hnyei Aigupito, ke ne o but hnyi bong ang, me vesâkong me ha hwegiâ, ka habe, Löng ju ifucik.

Jeremia 17:24

Ke öbun e ne ti ling nya, haingö Iehova, me ca hom bi ke ûnyi ka hnyi je homagouleny taun ang hnyi bong sabath, ke öbun e ne okabâ bong sabath me ca huliwa hnyin e;

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Ezekiela 18:5

Ke ame ne wisa at, kʼ ame ânyâ ûnyi ae ûcû ke wisa,

Hosea 11:3

Ke so bi oge me nö Eferaima he ka he, oge me deluʼ ödra ge li benyik; ke ca khanʼ ödrin a oge me ometu ödra.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Levitiko 26:13

Inya Iehova Khongubun, at ame hum öbun ûnyi hnyi hnyei Aigupito, möbun e ca he ka bi athnyaba ködra; ke oge thu hnödra hna hûkölʼ öbun, me wiʼ öbun he ka tot wia.

Levitiko 26:3

Öbun ka he ka vheno hnok je hna otilâ, me tuö anyik je hnanyibu, me ânyâ;

Numera 12:13

Ke Mose ame tenge kö Iehova, me ha, ka habe, Khong lo, ö u omelö thö momo walang ang.

Deuteronomi 12:25

U me ca he ka ban e; mʼ u me so bi, me lakom hwabâm, u ka ânyâ wisa hnyi hnyimakö Iehova.

Deuteronomi 12:28

Wâ wia me löng hoton ta je hofuc eang, wale oge me hûna köu, mʼ u me so, me lakom hwabâm nyiele balua, u ka ânyâ ûnyi ae so me wisa hnyi hnyimakö Iehova Khongom.

Deuteronomi 13:18

u ka he ka löng hoton hofuc ho Iehova Khongom, he ka tuö anyin je hnanyibu, wale oge me hûna köu hnyi bong ang, he ka ânyâ ûnyi ae wisa hnyi hnyimakö Iehova Khongom.

Deuteronomi 28:27

Ame he Iehova ka kuc u ge ohuciny Aigupito, me vec tiny, me anyû, me hölök, wale ae ca khana bi he ka metu.

Deuteronomi 28:58

U je ne ca he ka wâ wia he ka ânyâ ta je hofucin hia hnanyibu wale adre sihnalimen hnyi tusi ang, me u me outen ien ae hmânenang me hnân outen, wale Iehova Khongom;

Deuteronomi 28:60

Ke e ame he ka oâ köu je mekiny Aigupito hia, wale u me outen; kʼ ame he ka kece köu.

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 7:15

Ke ame he Iehova ka ohia unyâm ta je mok hia, ke e ame ca he ka ip hom ke mekiny Aigupito ae kong, wale ae khanö u, kʼ ame he ka ip e hon hudrin hia a tavat adre me hûkötiö u.