Esodo 15:20 - Iaai Bible 1901 (New Caledonia)

²⁰ Ke Miriama perofeta momo, hani Arona, ame hom bwinybet hnyi hnyamen; ke omomo hia ae ve hu bwinybet odrin e he hoton me bibiâ.

Esodo 15:20 ပူးပေါင်းရင်းမြစ်များ

Genese 31:27

Ieû gam u je kec duöng me iyawö nya; me ca ûhûne mönya, mʼ inye he ka kunö u me senyin me khumöng me binybet me kitara;

II. Samuela 1:20

Ca he ka thumetoâ hnyi Gatha, Ca he ka khetâ e hnyi je getheniny Asekelona; Wâ e nye senyin wahlu lakon at Filisiti, Wâ e nye hobâ wahlu lakon tavat adre ca peritomonâ.

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

II. Samuela 6:16

Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

II. Samuela 6:5

Ke haba Davita me lap Isaraela hia, adre me khumöngö hnyi hnyimakö Iehova ta je ûnyi khumöng kop, me je kitara, me nabeli, me bwinybet, me pate, me simebalo.

II. Je Than 22:14

Me haba Hilekia at bihut, me Ahikama, me Akebora, me Safana me Asaia, ödrin e he kö Huleda perofeta momo, öiö Saluma nöku Tikeva, nöku Hasera, at tuö khaû; (ke haba momo ame laba hnyi Jerusalema hnyi ke keihen a loiny); me ödrin e ûhnenamö me momo.

I. Man Ûlabainy Je Than. 15:16

Haba Davita ame ba ka je tuhan at Levi he ka otilâ je liamekeiny mödrin, je aten khumöng, me je ûnyi khumöng, je nabeli, me kitara, me simebalo, ödrin e khumöng hwege goranyai me senyin.

I. Man Ûlabainy Je Than. 6:3

Ke haba je laku Amerama; me Arona, me Mose, me Miriama. Ke haba je baga laku Arona; me, Nadaba, me Abiu, me Eleazora, me Ithamara.

Nehemia 6:14

Khong lö, ûnykûme ju kö Tobia, me Sanebalata helâ me anyidru je huliwa ang, me kö Noadia perofeta momo, me je kolon je perofeta hnyat ödrin e besoti nya.

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 150:4

Ogânâ thö e ge bwinybet me bibiâ: Ogânâ thö e ge ûnyi khumöng ae hu toiny, me utkowi.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Salamo 68:11

Than ame ha hofuc: E ti se hia je momo adre me khetâ je uthumetu.

Salamo 68:25

Ame bân tavat khumöng, kʼ ame bilidrin tavat hai ta je ûnyikhumöng, Hnyi wanben wahlu adre me khaûkhaû je bwinybet.

Salamo 68:26

E so öbun e haisoâ Khong hnyi je ûkhacaköu, Wale Than, öbun hanen hna pupuainy Isaraela.

Salamo 81:2

Vec dö salamo, ke hom jem bwinybet, Me kitara a adre me belöng, me nabela minya.

Esodo 2:4

Kʼ ame tot sâkâû haniny, me me wâ ûnyi ame he ka o kaû.

At Khet 3:4

ûen tenge, me ûen hluma: ûen hnyamok, me ûen bibiâ;

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Numera 12:1

KE haba Miriama me Arona ödru me haikongo Mose can momo Kuza e ame hom, anyin a e ame hom mome a at Kuza.

Numera 12:2

Ke haingödru, ka habe, Hawa, ame hake fuc Iehova kö Mose? a ca hnyi ha minya köhmu? Ke Iehova ame löng e.

Numera 20:1

KE ame o but lakon Isaraela, wale ûkhacaköu hia, ka hnyi hnyebuba Zin, hnyi tehi a bân; kʼ ame labā Kadesi hnen tavat; ke ame mokcu eling Miriama, mʼ adre me konâm e.

Numera 26:59

Ke haba ien öiö Amerama, me, Jokebeda, a nöku Levi, waleji a hnokoâ hnyi Aigupito: ke e ame hnöku Arona, me Mose, me Miriama, a hanidru, ga Amerama.

Luka 2:36

Ke wale ko perofeta momo jia Ana, nöku Fanuela, hanen tribu Asera (ae se hia hmonyin je hunainy, kʼ ame tha laba me âiân ehac hnyi ta je huna a seven hwân ke tiga hlu,

Ta je huliwa 21:9

Ke haba at eling me vak lakon ta hlu, ke ödrin je perofeta.

I. Korinito 11:5

Ke haba momo ame hic me perofeta kʼ ame ca binybak bi, me e ame okongoâ ban: anyin a haba e me helâke a giâ.

I. Korinito 14:34

Hamen omomo he ka laba hnyibû hnyi ekalesia: anyin adre me ca hnʼ ödra he ka fuc; ke so bi he ka long hoton helâ me hna ha hnyi hnanyibu.

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

Owisa 21:21

ke wâ bi, ame ne didrut je hluiny Silo he ka bibiâ, me öbun e he ka o ûnyi hnyi je hnyei vine, me ve khot âiân je hluiny Silo, me he ka hnyi hnyei Beniamina.

Owisa 4:4

Ke haba Debora perofeta momo, öiö Lapidoth, e at owisa ka at Isaraela hnyi ûen e.

I. Samuela 10:5

Ke hwaban e, u me he ka o ka hnyi dok ae hut anyin Khong, wale lap tue anyin at Filisiti: ke u ka hia but o ka hnyi taun, u me he ka ûkhanö me deö perofeta ödrin e utut ûheny ʼthö, ke e hnyi hnyimaködrin nabeli, me bwinybet, me utköwi, me kitara; ke ödrin e he ka hnyi perofeta:

I. Samuela 18:6

Ke hnyi ûen adre me o, wale Davita ame hmetu ûheny hnyi hna kot at Filisiti, me ame he omomo ûnyi hnyi ta je taun hia hnyi Isaraela, kʼ ödrin e khumöng ma bibiâ he ka ûkhanö me Saulo, me je bwinybet, me senyin, me je ûnyi khumöng.