Esodo 15:2 - Iaai Bible 1901 (New Caledonia)

² Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Esodo 15:2 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 49:18

Iehova lö, oge hia but halubahingen ânyâm ûhomeli.

II. Samuela 22:3

E Khongon kicik, oge me he ka labageju kâu; E becik, me faoiny meno hnân omeli nya, me tabök tap ae görany, me hnok hna he ka kec kâu: At ûhomeli nya lö, u je omeli nya ûnyi hnyi ûokonguny.

II. Samuela 22:47

E möt Iehova; ke so e hnahic ut kicik; E so adre ogöranyâ Khongon kiciny melik:

II. Samuela 22:51

E ame omelö gan hmâ hnân hobi kâu than a ûnyi gan: Me omanenâ ibetengiö ka at e ame hû, Kö Davita me je mâtrâniny nyiele balua.

II. Samuela 7:24

Ke u je ohmâ em hnyei a at Isaraela hobi köu, hnân em hnyei nyiele balua; ke haba u Iehova, u je bi Khongudrin.

II. Samuela 7:5

He thö me ha kö Davita athnyabaik, ka habe, Walang hofuc ho Iehova, ka habe, Hawa u me he ka up uma me hnyabak?

I. Je Than 8:13

Awe, oge me hia but otilâ uma me hnyabam, wale dok hobi köu bi, mʼ u me he ka laba hnyin nyiele balua.

I. Je Than 8:27

Ke hawa, e hnathu ame he Khong ka laba eang hmeledrany? wâ ju, e ca ûcû u drany me dranyin ta je drany; ke e ti ca ûcû u uma eang o ge op

I. Man Ûlabainy Je Than. 16:14

E thibi Iehova Khonguta: Ke e thibut hnyi hmeledrany hia thithö hnen je hna owisa.

Salamo 109:1

KHONGON hnok hna ogânâ lö, ca laba hnyibû bi.

Salamo 118:14

Tang hwegiök Ja, me anyik khumöng; Ke e thibi at ame omeli nya.

Salamo 118:21

Oge me he ka ole köu, anyin a u je hia but thu könya, Ke u thibi at ame omeli nya.

Salamo 118:28

U thibi Khonguk, ke oge me he ka ole köu: U thibi Khonguk, oge me he ka ogöranyi u.

Salamo 132:5

Ke ne o but oge me he ka wâ dok hobi kö Iehova, Wale uma menâ hobi kâu Mani Jekob.

Salamo 140:7

Iehova a Than lö, tang hwegien melik, U je hia but tube bok hnyi bonginy vat.

Salamo 145:1

KHONGUK lö, Than, Oge me he ka oganö u: Ke oge me he ka haisoâ iâm nyiele nyiele balua.

Salamo 18:46

E möt Iehova; e so he ka olongo kicik; Ke so adre me ogöranyâ Khongon melik:

Salamo 22:10

Adre me hnö nya köu hwân ge hna hnokoâ: U thibi Khonguk hwân a inya hnyi hnyeku bai.

Salamo 22:3

U at ae kap, At ame laba hnyi hna ûoganö hnö Isaraela.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 28:8

Haba Iehova tang hwegien lakeiny, Ke e hnabâ hnân ûhomeli hobi kâu at e ame hû.

Salamo 30:1

IEHOVA lö, oge me he ka oganö u, anyin a a je hia but ogöranyi nya, Me ca hna je iwahnaihmiony mönya he ka manhic könya.

Salamo 34:3

Öbun na tha he ju mönya he ka oganö Iehova, Ke so otin e he ka tha ogöranyâ ien.

Salamo 48:14

Anyin a haba Khong ang me Khonguta nyiele nyiele balua: E ame he ka su ota ke ne o but hnyi mok.

Salamo 59:17

Tang hwegiök lö, oge me he ka khumöng olungi u: Anyin a khong thibi anyik tap ae beû goranyai, me Khongon ibetengiö gak.

Salamo 68:20

Haba Khong, me Khongon ûhomeli hobi köta; Ke e unyi IEHOVA Than je deny he ka kec ge mok.

Salamo 99:5

Ogöranyi Iehova thö a Khonguta, Ke khudrung ju hnyi taben li hnyeûcan: E kap thibi e.

Salamo 99:9

Ogöranyi Iehova thö a Khonguta, Ke khudrung ju hnyi anyin ong bucen ae kap: Anyin ae kap Iehova a Khonguta.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 4:22

Ke u me he ka ha kö Farao, ka habe, Haba Isaraela nokuk a atö:

Esodo 40:34

Me haba ûlâ ame tube uma ûkhacaköu, ke haba hmanenangi Iehova ame ounöngötâ uma mano.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Jeremia 3:23

E hnathu, e ûnyi baû ûhadruo ûnyi hnyi je hut, wale imonumonuny hon je bucen: e hnathu, e unyi Iehova Khonguta ûhomeli anyi Isaraela.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:38

ke adre me he ka lakeik, ke oge me he ka Khongudrin:

Habakuka 3:13

U je he but hnân he ka omelö lakem, He ka omelö hnâm hna hû; U je aat dö ban ûnyi hnyi lap anyin at ae kong Me omanenâ taben ke ne o but hnyi kic. [Sela.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Luka 1:77

He ka o wâhmakhmetoâ lakeiny ge ûhomeli Wale he ka thang anyidra ta je hulö,

Luka 2:30

Anyin oge me wâ ge li emakök ûhomeli ûnyi gam,

Ioane 4:22

E ca khanʼ öbun hnobun hna hmi kâu; ke e khanʼ ohmun hnöhmun hna hmi kâu: anyin a ûnyi ge at Juda ûhomeli.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

II. Korinito 5:19

waleji, a e unyin Keriso bi Khong, ame öûsoköuâ hmeledrany më, kʼ ame ca ip hnödra je hna hanyâûâ kodra bi, ke ame ham kohmun hofucin ûsoköu.

Efeso 2:22

ke adre tha up öbun minya më hnân umen Khong ûnyi ge Hanu.

Deuteronomi 10:21

E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Kolose 2:9

kʼ ame laba eû hnyin at eling onyen Khong hia thithö hnyi unyin,

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.

Hna Omanenâ 19:1

KE hwaban ta je ûnyi e inya oge me löng helâke hwan tavat ae se hia ethö hnyi drany adre me ha, ka habe, Haleluya; E unyin Khonguta möt, me hmanenang, me man:

Owisa 5:21

A hom degeci ödrin hnen wagewe Kisona, Hnen wagewe ehac, wale wagewe Kisona. Hanuk lö u je hia but uto ju at ae hwege.