Esodo 15:17 - Iaai Bible 1901 (New Caledonia)

¹⁷ U ma he ka hum odra, me tʼ odra hnyi bucen, wale hwajekom, Iehova lö, wale hnâm u je ânyâ hnân hnyabam, Iehova lö, wale dok ae kap u je hia but ohmâ hnen li hnyamâm.

Esodo 15:17 ပူးပေါင်းရင်းမြစ်များ

II. Samuela 7:10

Ke oge me he ka ûca dok hobi kâu lakeik a at Isaraela, me otilʼ ödra, mʼadre me he ka laba hnyi idrin bi, kʼ adre me ca he hmetu ka bwebweli ödra; ke haba khaca, ame ca he hmetu tavat ae kong ka oveci ödra helâji me ehac,

I. Je Than 8:13

Awe, oge me hia but otilâ uma me hnyabam, wale dok hobi köu bi, mʼ u me he ka laba hnyin nyiele balua.

Salamo 114:2

E bi Juda umen uma ae kap, Ke Isaraela dokhon dokhu.

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 44:2

U je obâ aten je hnyei ge hnyamâm, me te hwabödra: U je okongoâ je hnyei, me obâ degeci ödra.

Salamo 68:16

Ieû gabun öbun je bucen ae beû göranyai, öbun e wâ ciâ, Ge bucen waleji ame weny Khong he ka labā? E ke, ame he Iehova ka labâ e nyiele balua.

Salamo 76:2

Ke e bi hnyi Salema umen uma menâ, Ke e hnyi Ziona hnyaban.

Salamo 80:15

Ke tuö ju hna ta hnen hnyamâm a metâm, Me anginy u je hat hobi köu bi.

Salamo 80:8

U je hom vine ûnyi Aigupito: U je obâ je hnyei, me ta ju e hnyin.

Esodo 15:13

Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 25:8

Kʼ adre me he ka ânyâ hobi könya dok ae kap; mʼ inye he ka laba unyidra.

Esodo 32:34

Ke he thö walang ang me hom tavat ka hnyi dok waleji oge me ha köu: wâ bi, ame he ka he anyik angela hnyi hnyimâkâm: ke so bi, haba hori bong oge me he ka senâ, me oge me he ka bi hwaban anyidra hulö.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Jeremia 31:23

Walang hna ha hnö Iehova tuhan sabaoth, Khongu Isaraela, ka habe, Adre me he hmetu ka ha hofuc ang hnyi hnyei Juda, me je tauniny, iny ka he ka ohmetu ödra ûhedra hnyi hna bâ me ha, ka habe, Hnyaban hna owisa lö, me bucen ae kap, E so e he Iehova ka ohnahici u.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Ezekiela 37:28

Me ame he je hnyei ka wâ a inya Iehova at ame okabi Isaraela, e ka e bi unyidra anyik dok ae kap nyiele balua.

Deuteronomi 33:19

Ödru me he ka hawâ tavat ka hnyi bucen; Kʼ adre me he ka hudo eling je hudiny hwakecin ae wisa: Auyin a ödru me he ka hu tang omjeû unyi eû hnyi köiö, Me ta je omjeû adre ikhâlâ hnyi öny.

Josua 22:19

Ke so bi ame ne bo kong hnyei ae hu ibun hnyin, awe, hanyâûâ thö ka hnyi i Iehova adre otilâ hnyin uma mano umo Iehova, mʼ öbun e hu hnyei unyihmun: ke ca he ka khikhin ga Iehova, me ûkhin fuc möhmun, wale möbun e otilâ taben anyibun hut kö Iehova Khonguhmun.