Esodo 15:16 - Iaai Bible 1901 (New Caledonia)

¹⁶ Ame o but ködra ot me öbubuny; Ûnyi ge ihwegeiny benyâm adre me laba hmâ helâ me veto; Ke ne o but ame hanyâûâ lakem, Iehova, Ke ne o but ame he thö tavat u je hia but ûco.

Esodo 15:16 ပူးပေါင်းရင်းမြစ်များ

Genese 35:5

Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob.

II. Samuela 7:23

Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

Salamo 105:38

Ame senyin Aigupito hnyi ûen adre he but; Anyin ame hia but ta hudra hna outʼ ödra.

Salamo 74:2

Ûnykûme ju ânyâm ûkhacaköu waleji u je ûco ehac, Waleji u je bi hwaban me me tribu a jekhom; Me bucen Ziona, dok u je laba hnyin.

Salamo 89:14

Haba taben ânyâm theron me wisa me hna owisa: Ame he ibetengiö me hnathu ka bân hnyi hnyimâkâm.

Esodo 11:7

Ke ame ca he ke kuli ka bwebwelâ bohmen ka lakon Isaraela hia, wale ka at me meno: me me khanʼ öbun thö a hnö Iehova hna ve obongonâ at Aigupito me at Isaraela.

Esodo 15:13

Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Esodo 15:5

A hûlûlû odra hnen je dok ae dit; Adre me û but kâ û helâ me veto.

Esodo 15:6

Iehova lö, e mec hnyamâm a metâm ae man; Iehova lö, a hia but hnyamâm a metâm kot omomono iwahnaihmiony.

Esodo 18:8

Ke Mose ame thumeto ûngon ge ta je ûnyi hia a ânyâ Iehova kö Farao me at Aigupito hobi kâu at Isaraela, me ta je vec hia a o ködra eû hnyi gethen, me hna omeli odra ga Iehova.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 23:22

Ke u ka he ka löng hoton hwan hofuc, me ânyâ hia hnök hna ha; me oge me he ka iwahnaihmiony me je iwahnaihmiony möu, me ivinö me at ame ivinö möu.

Esodo 23:27

Oge me he ka kunâ hnân outö nya hnyi hnyimâkâm, me ovecâ ta je hnyei hia u me he ka o ka hnyin, kʼ oge me he ka kunâ ta je iwahnaihmiony hia möu he ka kec gam.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Jeremia 31:11

Anyin a Iehova ame hia but omeli Jekob, me hûgûnâ e ûnyi hnyi hnyamen at ae hwege hon.

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Deuteronomi 11:25

E ba at ame he ka tot hnyi hnyimaköbun: kʼ ame he Iehova Khongubun ka ootâ me öbubunâ je hnyei gabun wale öbun e he ka uto, helâ me hnen hna ha köbun.

Deuteronomi 2:25

Ke oge me he ka hwân hnyi bong ang he ka okûâ outö u, me me he ka öbubuny gam hnen ta je hnyei hia eang hmeledrany, a tavat adre me löng ânyâm lung, kʼ adre me he ka öbubuny, me hleûhleû gam.

Deuteronomi 2:4

Ke ha thö ka tavat, ka habe, Öbun e he ka hanyâûâ hnyigöulen hnyei iny je liamekeiny möbun a lakon Esau, tavat adre me labā Seira; ke adre me he ka outʼ öbun: anyin a wale wâ wiʼ öbun bi:

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.

Deuteronomi 32:9

Anyin a haba jekhöû Iehova, me iny hnyei bi, Ke Jekob iny hnyei adre tuluto.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Josua 4:24

me me khana hnen tavat hia thithö eang hmelen ge hnyamö Iehova, ae hwege; mʼ adre, me he ka outö Iehova Khongubun nyiele balua.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

I. Samuela 2:9

E ame he ka tuö je li can tavat ae kap, Ke e ame he ka ohnyibö hnyat ae ca wisa hnyi menekholom; Anyin ame ca he at ka ton ûnyi ge tang hwegien.

I. Samuela 25:37

Kʼ ame hia but waina unyi Nabala hnyi hnyomakatu, me haba âiân ame thumeto e ge ta je ûnyi eling, me e ame gâ on, ke haba e, me helâ thibut ta veto.