Esodo 15:15 - Iaai Bible 1901 (New Caledonia)

¹⁵ Ame uthmok ta je tuhan hnyei Edoma; Ame öbubun tavat hwege hnyi Moaba: Kʼ ame aû tavat hia adre me laba Kanana.

Esodo 15:15 ပူးပေါင်းရင်းမြစ်များ

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

Josua 2:11

Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Deuteronomi 2:4

Ke ha thö ka tavat, ka habe, Öbun e he ka hanyâûâ hnyigöulen hnyei iny je liamekeiny möbun a lakon Esau, tavat adre me labā Seira; ke adre me he ka outʼ öbun: anyin a wale wâ wiʼ öbun bi:

Genese 36:40

Ke walang ien ta je taben ame o ûnyi ga Esau, hoton anyidrin je lap, me idrin je hnyei, me je iödrin; Timena taben, me Aleva taben, me Jethetha taben;

Habakuka 3:7

Oge me wâ je uma mano umo Kuza hnyi vec: Kʼ ame öbubuny je mano singiny hnyei Midiana.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Ezekiela 21:7

Ke ödra ka ha köu, ka habe, Anyin a ieû u me mâng? me u me he ka thu kodra, ka habe, Can je ûthumetu, anyin ame he jem: ke ame he ka köiö but ta je hnyok hia, ke ame he ka him ta je beny hia, ke ame he ka sënyin ta je hanu hia, ke ame he ka bwebwet ta je bouca hia helâ me köiö: wâ bi, e but ang, ke ame he ka hwâdâ, haingen Than Iehova.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 13:7

Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

Salamo 68:2

Obʼ ödra ju, helâ me ûohiöiny hainy meic: E so ame he ka hia tavat ae kong hnyi hnyimakan Khong, Helâ me wasu ame köiö ge meic.

II. Samuela 17:10

Me haba at ae hwege, a helâke hnyekon liona but hnyekon, me e ame he ka ti aû but: anyin ae khana Isaraela hia a e hwege kâmâm, me hwege tavat unyin.

I. Samuela 14:16

Ke haba hnyat hmâkâ hnyi Saulo hnyi Gibea hnyi Beniamina ödrin e wâ; ke wâ bi ame aû but tavat, ke adre me kec monu ehele.

Josua 14:8

Ke so bi haba je liamekeiny mönya, adre tha he mönya, ödrin e oköiâ hnyekon tavat: ke oge me tha hnu hotu Iehova Khonguk.

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Deuteronomi 20:8

Ke hamen je taben he ka ha hmetu ka tavat, me ha, ka habe, Ewa at ame ot me hlohlo hnyekon? e so e ame he me hmetu ka hnyi umen uma, wâ e nye oköiö hnyekon je liamekeiny mē helâ me hnyekon.

Genese 36:15

Walang ta je taben a je laku Esau: haba ta je laku Elifaza nöku Esau a atö; jia Temana taben, ke Omar taben, ke Zefo taben, ke Kenaza taben,

Salamo 48:5

Adre me wâ, mʼ adre me lâiâ; Adre me gâ thö udrin me ie kec.

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Genese 36:16

ke Kora taben, ke Gatama taben, ke Amaleka taben: wale je taben ûnyi ga Elifaza hnyi hnyei Edoma; wale je laku Ada.

Habakuka 3:6

E ame tot me tuluto hmeledrany; E ame bwele me oveseâ ta je hnyei: Ke adre me oveseâ je bucen kâû adrem, Kʼ ame nom ju je hut kâû ehac; E kueny jut deny ta je gethen.