Esodo 15:14 - Iaai Bible 1901 (New Caledonia)

¹⁴ A löug ut ta je hnyei, adre me öbubuny: Vec ae gan ame o ka tavat adre me labâ Filisiti.

Esodo 15:14 ပူးပေါင်းရင်းမြစ်များ

I. Man Ûlabainy Je Than. 14:17

Me ame he but ehele ûlungi Davita ka hnyi ta je hnyei hia; ke Iehova ame ânyâ me me he ka outen e ge ta je hnyei hia.

Salamo 48:6

Ame khöû ödra ju eling ge öbubuny; Me vec, helâ me momo ame vec hnyin.

Salamo 48:7

U je ohmouca je huiny Tasesa. Ûnyi ge ang hwei.

Isaia 14:29

Filisiti hia lö, ca senyin bi can adre thu uci waleji ame kuc u: anyin ame he ka o but vaipa ûnyi hnyi iwân anyin on, ke haba mâtrân e me on ame hiâ me gâ.

Isaia 14:31

Homagöule lö, kuku tenge thö; taun lö, tenge thö: Filisiti hia lö, u je aû hia but; anyin ame o hai ûnyi hnyi hwadro, ke ba at ame he ka tot baû e ka o thö bonginy bong adre thu.

Isaia 23:5

E ka o ûthumetu Aigupito ai, me adre me he ka vec gan hmâ ge hna thumetu ge Turo.

Ezekiela 32:9

Ke oge me he minya ka ohmönyinâ hnyekon je hnyei ae se hia, hnyi ûen oge me he ka ohnauhangö u unyin ta je hnyei, ka hnyi je hnyei ae ca khanö u bi.

Habakuka 3:6

E ame tot me tuluto hmeledrany; E ame bwele me oveseâ ta je hnyei: Ke adre me oveseâ je bucen kâû adrem, Kʼ ame nom ju je hut kâû ehac; E kueny jut deny ta je gethen.

Habakuka 3:7

Oge me wâ je uma mano umo Kuza hnyi vec: Kʼ ame öbubuny je mano singiny hnyei Midiana.

Numera 14:14

ke adre me he ka thumeto tavat a gadra hnyei ang: ke adre löng a u Iehova unyin tavat eang; anyin a u Iehova u me ûhnyimaköu mödra, ke ame tot hudra ânyâm ûlâ, ke haba u hnyimakan anyidra bunyen, hnyi ûlâ ame tot wisa hnyi lany, me meic ame tot wisa hnyi lit.

Numera 22:5

Me e ame kunâ je ûthûmetu ko Balaama nöku Beora hnyi Pethora, a e hnyi Wagewe, ka hnyi hnyei anyin lakon lakeiny, he ka hawâ e, me haingen, ka habe, Wâ bi a o thö tavat ûhedra Aigupito: ke wâ bi adre me avâ hnyei, kʼ adre me laba but ang cicö ik:

Deuteronomi 2:25

Ke oge me he ka hwân hnyi bong ang he ka okûâ outö u, me me he ka öbubuny gam hnen ta je hnyei hia eang hmeledrany, a tavat adre me löng ânyâm lung, kʼ adre me he ka öbubuny, me hleûhleû gam.

Josua 10:2

me ödrin e ot gan hmâ, anyin a haba Gibeona me wale taun ae gan hmâ, helâ me ke taun ame labā than, ke beönua e hon Ai, ke e hwege obagainy hia thithö.

Josua 2:11

Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.

Josua 9:9

Me ödrin e ha kâu, ka habe, Ûhehmun hnyi hnyei ae ti sâkâû lathnyabaem can iö Iehova Khongom: anyin a öhmun e hia but long ûlunginy, me hnen hna ânyâ hia hnyi Aigupito,

I. Samuela 4:7

Ke haba at Filisiti adre me ot, ke adre me ha, ka habe, A o thö Khong ka hnyi hna hunuma. Ke haingödra, ka habe, Ekölö gata! E ba ûnyi a helâe ehac.

I. Samuela 4:8

Ekölö gata! ia ame he ka hûgûnʼ ota ûnyi hnyi je hnyamen ta je khong eling ae hwege? wale ta je khong eji hnyat a kot at Aigupito ge ke je mok ae cap hnyi hnyebuba.