Esodo 15:13 - Iaai Bible 1901 (New Caledonia)

¹³ Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Esodo 15:13 ပူးပေါင်းရင်းမြစ်များ

Genese 19:16

Ke e ame bec; me haba li at ödru me lelö hnyamen, me hnyamen âiân, me hnyamen lakon li hlu; anyin a Iehova ame betenge gan: me ödru me su e me ip hnyi hoton taun.

II. Samuela 15:25

Me ame ha than kö Zadoka, ka habe, Hom hmeto thö tang tangen Khong ka hnyi taun: ame ne he Iehova ka betenge gak, me e ame he ka ohmetu nya, me tha omanenâ e bi könya me hnyaban minya:

Nehemia 9:12

Ke u je lili ödrin hnyi lany ge ûlâ ame tot wisa; ke hnyi hnyinghet ge mec ame tot wisa, me me omelami ödrin hnyi gethen ödrin e he ka vheno.

Salamo 106:9

E ame thawâ Köiö ae Dra, me ame mada: Me e ame hum ödra hnyi je dok ae dit helâ me hnyebuba.

Salamo 74:2

Ûnykûme ju ânyâm ûkhacaköu waleji u je ûco ehac, Waleji u je bi hwaban me me tribu a jekhom; Me bucen Ziona, dok u je laba hnyin.

Salamo 77:20

U je su lakem helâ me hnahat mamoe, Ge hnyamö Mose me Arona.

Salamo 78:35

Ke adre me ûnykûme a Khong thibi kicidra, Me Khong ae Beönua at ame omeli ödra.

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Esodo 15:16

Ame o but ködra ot me öbubuny; Ûnyi ge ihwegeiny benyâm adre me laba hmâ helâ me veto; Ke ne o but ame hanyâûâ lakem, Iehova, Ke ne o but ame he thö tavat u je hia but ûco.

Esodo 15:17

U ma he ka hum odra, me tʼ odra hnyi bucen, wale hwajekom, Iehova lö, wale hnâm u je ânyâ hnân hnyabam, Iehova lö, wale dok ae kap u je hia but ohmâ hnen li hnyamâm.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.