Esodo 15:1 - Iaai Bible 1901 (New Caledonia)

¹ KE haba Mose me lakon Isaraela adre me tha khumöngö khumöng eang, ka habe, Oge me he ka khumöng kö Iehova anyin a e ame ti hom dökhu: A hia but khûâ hos me at ame tabâ ka hnyi köiö.

Esodo 15:1 ပူးပေါင်းရင်းမြစ်များ

Nehemia 9:11

Ke u je kia luâ köiö hnyi hnyimaködrin, mʼ ödrin e he hnyi wanben köiö hnyi dok ae mada; ke u je khûâ je iwahnaihmiony mödrin ka hnyi dok ae dit, helâ me veto hnyi köiö ae gan.

Jobu 36:24

Ûnykûme ju he ka oganâ anyin huliwa, Waleji ame khumöngö hnen tavat.

Salamo 105:43

Me e ame hom but lakeiny me senyin, Me tavat e ame ûca me hobâ.

Salamo 106:12

Me adre me kap hwan hofuc; Me khumöng ogânâ e.

Salamo 107:15

E na be ju tavat ka oleâ kö Iehova can anyin betenge, Me can anyin ta je huliwa hnân lâiâ gan ka lakon tavat!

Salamo 107:8

E na he ju tavat ka oleâ kö Iehova can anyin betenge, Me anyin ta je huliwa hnân lâiâ gan ka lakon tavat!

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Salamo 76:6

Khongu Jekob lö, ûnyi ge hnâm hna thawâ, Ame tha mokut hnying kariota me hors.

Salamo 76:7

U thibi hnân outen, wale a u:! Ke ie at ame he ka tot hnyi hnyimâkâm u ka hmönyin dö?

Esodo 14:26

Ke haba Iehova ame ha kö Mose, ka habe, Inâ but hnyamâm hon köiö, me me he köiö ka hmetuhmetu but ka hnyi hon at Aigupito, hon anyidra je kariota me tavat adre me tabö hos.

Esodo 14:27

Ke haba Mose ame inâ hnyamen hon köiö, me ame khutu hmetu but köiö ka hnyi hnen, hnyi ioiny dö lany; ke haba at Aigupito adre me kec me ûkhöû me: ke Iehova ame khûâ at Aigupito ka hnyi wanben köiö.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Ta je Vejec 29:6

E hu hnewe hnyi hna hanyâûâ hnen at ae kong: Kʼ ame khumöng me senyin at ae wisa.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Jeremia 51:21

ke ûnyi gam oge me he ka thö oamamâ hors me at ame tabâ; me oamamâ kariota me at ame tabâ;

Hosea 2:17

Ke oge me he ka hom but ien je Baala ûnyi hnyi hnyimen, ke adre me ca he hmetu ka ûnykûmi ödrin hoton je iödrin.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Numera 21:17

Me haba at Isaraela adre me khumongö khumöng eang, ka habe, An lö pupua thö; khumöng dö kâu;

Kolose 2:15

ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.