Esodo 14:4 - Iaai Bible 1901 (New Caledonia)

⁴ Ke oge me he bi nya ka onâkâ hnyeku Farao, kʼ ame he ka hnu hotudra; kʼ ame he ka oganö nya ga Farao, me anyin je vat hia; kʼ ame he ka khana hnen at Aigupito a inya Iehova. Kʼ adre me ânyâ helâe.

Esodo 14:4 ပူးပေါင်းရင်းမြစ်များ

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

Esodo 10:27

Ke Iehova ame ouâkâ hnyeku Farao, me ame höcö he ka hnʼ odra.

Esodo 12:28

Kʼ ame he but lakon Isaraela me ânyâ helâe; adre me ânyâ helâ me Iehova ame hunö Mose me Arona.

Esodo 14:23

Ke haba at Aigupito adre me hnu odra, me utut hotudra ka hnyi wanben köiö, a je hos hia hale Farao, me anyin je kariota, me anyin tavat tabö hos.

Esodo 14:25

Ke ame thang je waengen hnyi anyidra je kariota, me me hmak he ka lelö: waleling me me ha hnen at Aigupito, ka habe, E so ate me kec ge at Isaraela; anyin a Iehova ame bi hiödra, me iwahnaihmiony me at Aigupito.

Esodo 14:3

Kʼ ame he Farao ka ha ge lakon Isaraela, ka habe, Odra adre me hnok dö hnyi hnyei, kʼ ame sing odra hnen hnyebuba.

Esodo 14:5

Ke adre me thumeto than Aigupito a ga kec ut tavat: me ame wia thö hnyeku Farao me lathnyabainy ka tavat, me haingödrin, ka habe, Ieû hnötin hna ânyâ he ka hna at Isaraela adre me huliwa kötin?

Esodo 14:8

Ke haba Iehova ame onâkâ hnyeku Farao than Aigupito, kʼ ame hnu lakon Isaraela: anyin a haba lakon Isaraela adre me he me tang hwege.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Esodo 7:17

Walang hna ha hnö Iehova, ka habe, U ma he ka wâhmakhmetoâ a inya Iehova hnyi ûnyi eang: wâ bi, oge me he ka kot köiöiny wagewe ge uci hnyi hnyamok me me dra but.

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Esodo 7:5

Ke ame he at Aigupito ka wâ a Inya Iehova iny ka he ka hai hnyamok hon Aigupito, me hom lakon Isaraela ûhedra.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Ezekiela 28:22

me ha, ka habe, Walang hna ha hnen Than Iehova, ka habe, Wâ bi, ûcûk u Zidona; kʼ adre me he ka oganö nya hnyi wanbâm, mʼ adre me he ka wâ a inya Iehova, iny ka hia but owisa kâu, ke ka hia but okabi nya hnyin.

Ezekiela 32:15

Iny ka hia but oba wan hnyei Aigupito, me me hnyei wau, me ohia iunöngötiny hnyei, iny ka hia but kot hia tavat adre me laba hnyin, adre me he ka wâ a inya Iehova.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Ezekiela 38:23

Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.

Ezekiela 39:13

Eke, ame he tavat hia thithö hnyi hnyei ka hnyi konim ödra; ke ame he ka hnân olungi ödra hnyi bong adre me oganö nya hnyin, haingen Than Iehova.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Roma 11:8

helâ me hna sihnalimen, ka habe, Khong ame ham kodra hnyok ae bemokut, me je ecmak ame ca bwela bi, me je hnyiköny adre me ca long, ke ne o but hnyi bong ang.

Roma 9:17

Anyin a haingen hna sihnalimen kö Farao, ka habe, Can thibi eling oge me otilö u, me inye he ka omanenâ manik man ûnyi gam, me me lung iök bi hnyi hmeledrany hia.

Roma 9:18

Awe, e ame betenge ge at e ame! betenge gan, ke e ame onâkâ at e ame beonâkâ kâu.

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.

Owisa 4:7

Ke oge me he ka lelö köu ka hnyi wagewe Kisona, Sisera, taben vat anyi Jabin, me anyin je kariota, me anyin je utbavat; me oge me he ka hna e ka hnyi hnyamân.