Esodo 14:31 - Iaai Bible 1901 (New Caledonia)

³¹ Ke a wâ but at Isaraela huliwa ae gan ame ânyâ Iehova hon at Aigupito, me me outö Iehova tavat: ke adre me labageju kö Iehova me Mose a athnyabainy.

Esodo 14:31 ပူးပေါင်းရင်းမြစ်များ

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Nehemia 9:9

Ke u je wâ vec anyin lakamöhmun hnyi Aigupito, me long ûtengiödrin hnyi Köiö ae Dra;

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Esodo 19:9

Ke haingö Iehova kö Mose, ka habe, Wâ bi oge me o but köu hnyi ûlâ ae khot, me me he tavat ka löng anyik ûhnenamö möu, mʼ adre me labageju bala köu. Haba Mose ame thumeta Iehova hofuc hwan tavat.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Luka 8:13

Haba keihen hon dok ae hudei, me wale tavat adre me long me kap hofuc me senyin; ke ba wân gadra, ke ca beû bi anyidra labageju ke adre me ta ju hnyi ûen ûcûbic.

Ioane 11:45

Me ame labageju kâu at Juda ae se, a hnyat adre me o kö Maria, kʼ adre me wâ ta je ûnyi e ame mâdrâ.

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ta je huliwa 8:13

Ke haba Simona ame hnyi kap, kʼ adre hia but bapataisoâ, kʼ ame tha e bala me Filipo; ke e ame wâ je haten me je ûöman ae gan hmâ adre me ânyâ, me e ame lâiâ.

Heberu 3:5

Ke e hnathu hmonyin Mose hnyi hnyaban hia, helâ me athnyaba, hnân ohnathoâ ta je ûnyi adre me he ka ha nyiele;

Josua 24:7

Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.

Josua 4:14

Ke haba hnyi bong eling Iehova ame oganö Josua hnyi hnyimakan at Isaraela hia thithö; mʼ adre me outen e helâ me hnödrin hna outö Mose hnyi ta je bonginy hia anyin möt.

Josua 4:24

me me khana hnen tavat hia thithö eang hmelen ge hnyamö Iehova, ae hwege; mʼ adre, me he ka outö Iehova Khongubun nyiele balua.

I. Samuela 12:16

Ke tot ju öbun walang ang me wâ ûnyi ang ae gan ame he ka ânyâ Iehova hnyi hnyimaköbun.

I. Samuela 12:18

Me Samuela ame hongot kö Iehova; me Iehova ame kunâ hendreng me we hnyi bong eling: me ame ot gan hmâ tavat hia thithö kö Iehova me Samuela.