Esodo 14:21 - Iaai Bible 1901 (New Caledonia)

²¹ Ke haba Mose ame inâ hnyamen hon köiö; me Iehova ame okhuto köiö hnen ang hwei ae hwege hnyi lit ae bekhöt me omada e, ke haba köiö ame khekhe lo but.

Esodo 14:21 ပူးပေါင်းရင်းမြစ်များ

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

II. Je Than 2:8

Haba Elia ame hom anyin ûkhaû me vhec, me wâdrâ wia, me kot wagewe, me ame khekhe lo but, me ödru me he hanyâûâ hnyi dok ae mada.

Nehemia 9:11

Ke u je kia luâ köiö hnyi hnyimaködrin, mʼ ödrin e he hnyi wanben köiö hnyi dok ae mada; ke u je khûâ je iwahnaihmiony mödrin ka hnyi dok ae dit, helâ me veto hnyi köiö ae gan.

Jobu 26:12

E ame omunâ köiö ge maniny man, Me kot hagutö Rahab ge anyin metâ.

Jobu 38:24

Adre ma kâmâu ka khenâ lany, Me oveseâ ang hwei hon hmeledrany?

Salamo 136:13

Kâu at ame subâ luâ Köiö ae Dra: Anyin a nyiele balua anyin ibetengiö:

Salamo 148:8

Meic me we wahma, kiona me hai; Ang ae hwege, at ame hwâdâ hwan hofuc:

Salamo 66:6

E ame wia köiö me me hnyei ae mada: Adre me he hanyâûâ wagewe ge ta je cadra: Waleling ate me senyin kâu.

Salamo 74:13

U je hia but subâ luâ köiö ge tang hwegiâm: U je thö ban ta je tanimo hnyi je köiö.

Salamo 78:13

E ame subâ luâ köiö, me bi dedra; Ke e ame otilâ köiö helâ me li kbölöki.

Esodo 14:16

Ke hai thö ânyâm uci, me inâ but hnyamâm hon köiö, me me khekhe lo but: kʼ ame he lakon Isaraela ka he wanben köiö hnyi dok ae mada.

Esodo 14:20

ke ame he me tot hnyi wanben hunuma anyin at Aigupito me hunuma anyin at Isaraela; ke wale bi eling ûlâ me menekholom minya, ke so bi ame omelamâ hnyinghet: kʼ ame ca hakekenyâ ke at ka ke at hnyi lit hia.

Esodo 15:8

Ame kakap goranyai köiö ûnyi ge homenâiny li hnyingoiâm, Ame tot wisa je di helâ me khölöki; Ame wahma thö köiö eû hnyi dok ae dit.

Esodo 7:19

Ke Iehova ame ha kö Mose, ka habe, Ha thö kö Arona, ka habe, Hom dö ânyâm uci, me hai hnyamâm hon ta je köiö hnyi Aigupito, hon anyidra ta je di, me anyidra je wagewe, me belidra je an, me anyidra je köiö hia, me me dra but; kʼ ame he ka hu dra hnyi hnyei Aigupito hia, hnyi ta je kaia utö me veto.

Isaia 23:11

E ame hia but hai hnyamen hon köiö, e ame oöbubunyâ je dokhu: a hia but hûna Iehova ge Kanana, mʼ adre me he ka ohia je hnabâiny.

Isaia 43:16

Walang hna ha hnö Iehova at ame bi gethen hnyi köiö, kʼ ame bi deny gethen hnyi wanben köiö ae gan;

Isaia 44:27

at ame ha ka dok ae dit, ka habe, Hme but, ke oge me he ka ohwahwacitâ ânyâm je wagewe:

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 51:15

Anyin a inya Iehova Khongom at ame oâ je waköiöiny köiö me ame mea but: haba ien, me Iehova tuhan sabaoth.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Isaia 63:13

at ame hum ödra hnyi je dok ae dit, helâ me hors hnyi hnyebuba, mʼ adre me ca haû.

Habakuka 3:8

Hawa, Iehova ame hmonyin ka je wagewe? Hawa, u me hmönyâm ka je wagewe, Ke wathethot ge köiö ae gan, Mʼ u me tabâ halem je hors, Ke ta je kariotainy ânyâm ûhomeli?

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Josua 2:10

Ke öhmun e hia but long a Iehova ame ohmö köien Köiö ae Dra i hobi köbun, hnyi ûen öbun e he jem ûheny Aigupito; ke hnöbun minya hna ânyâ ka li than Amora hnyi hoton Joridano, a Sihona, me Oga, waleji öbun e ohia.

Josua 3:17

Ke ame tot me ca bwebwet tavat bihut, hnyat ödrin e vadren tangen ûhihinyköu anyi Iehova, hnyi dok ae mada, wanben Joridano, ke adre me he hanyâûâ hnyi dok ae mada a at Isaraela hia thithö ke ne o but ame hanyâûâ Joridano haen tavat hia.

Josua 4:23

Anyin a Iehova Khongubun ame ohmö köien Joridano hnyi hnyimakö-bun, ke ne e but öbun e hia but hanyâûâ, helâ me Iehova Khongubun ame ânyâ ka hnyi Köiö ae Dra, waleji e ame ohmö hnyi hnyimakötin ke ne o but otin e hia but he hanyâûâ;