Esodo 14:20 - Iaai Bible 1901 (New Caledonia)

²⁰ ke ame he me tot hnyi wanben hunuma anyin at Aigupito me hunuma anyin at Isaraela; ke wale bi eling ûlâ me menekholom minya, ke so bi ame omelamâ hnyinghet: kʼ ame ca hakekenyâ ke at ka ke at hnyi lit hia.

Esodo 14:20 ပူးပေါင်းရင်းမြစ်များ

Salamo 18:11

E ame lubaduöng hnyi menekholom, wale umen uma menâ igigilo e; Wale angwe, a je ûlâiny drany ae haki

Salamo 78:53

Ke e ame su ödra tilʼ ödra wia, mʼ adre me ca ot bi: Ke ame hûlûlûâ je iwahnaihmiöny mödra hnen köiö.

Esodo 14:19

Ke haba angela anyin Khong, at ame bân hnyi hnyimakan at Isaraela, ame biliny jut hotudra; ke haba ûlâ at ame tot wisa hnyi hnyi-maködra, e ame hwiö me tot hotudra:

Esodo 14:21

Ke haba Mose ame inâ hnyamen hon köiö; me Iehova ame okhuto köiö hnen ang hwei ae hwege hnyi lit ae bekhöt me omada e, ke haba köiö ame khekhe lo but.

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Isaia 8:14

Ke e thibi hnân dok ae kap; ke veto hnân setu me kic hnân öhûkötö ka li lap anyi Isaraela, hnân hnewe me ofific ka tavat adre me laba hnyi Jerusalema.

Josua 24:7

Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.