Esodo 14:10 - Iaai Bible 1901 (New Caledonia)

¹⁰ Ke Farao ame hakekenyâ, me lakon Isaraela adre me wâ, ke wâ bi ame hnu hotudra at Aigupito; kʼ adre me ot gan hmâ: ke lakon Isaraela adre me tenge kö Iehova.

Esodo 14:10 ပူးပေါင်းရင်းမြစ်များ

II. Man Ûlabainy Je Than. 18:31

Ke haba je taben kariota ödrin e ö Jehosafata, me ödrin e ha, ka habe, Wale but ang than Isaraela. Anyin a wale ödrin e saû kâu he ka kot: ke haba Jehosafata ame hongot goranyai, me Iehova ame hadruâ e; ke Khong ame ohmetu ödrin gan.

Nehemia 9:9

Ke u je wâ vec anyin lakamöhmun hnyi Aigupito, me long ûtengiödrin hnyi Köiö ae Dra;

Salamo 106:44

Ke so bi e ame long hnödra hna vec, Hnyi ûen e ame wâ anyidra tenge:

Salamo 107:13

Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta jo vec.

Salamo 107:19

Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta je vec.

Salamo 107:28

Ke adre me tenge kö Iehova hnyi anyi dra hloûhloû, Me e ame hum ödra but ûnyi hnyi anyidra ta je vec.

Salamo 107:6

Me adre me tenge kö Iehova hnyi anyidra hloûhloû, Me e ame omeli ödra ûnyi hnyi anyidra ta je vec.

Salamo 34:17

Ame hongot tavat ae wisa ke Iehova ame long, Me omeli ödra ûnyi hnyi anyidra ta je vec hia thithö.

Salamo 53:5

Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra.

Salamo 81:7

U je khöû hnyi vec, me oge me omeli u; Oge me thu köu ûnyi hnyi dok ae iyong, a umen hwan than; Oge me cubic u hnyi je köien Meriba. [Sela.

Esodo 13:17

Ke a hia but Farao hna tavat, haba Khong ame ca su odra hnyi hnyei iny at Filisiti, ae hakekeny; anyin a haingen Khong, ka habe, Wâ adre nye he ka ietra, odra ka wâ vat, mʼ adre me he hmetu Aigupito ai:

Esodo 15:25

Me ame tenge kö Iehova, ke Iehova ame omanenâ kâu ke ûö, me ame khûâ ka hnyi an, me ame hnam but an. Ke waleling e ame otilâ hobi ködra hnanyibu me hna owisa, kʼ ame cubic odra eling;

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 7:2

Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.

Josua 24:6

Ke oge me hom lakamöbun ûheny Aigupito: me öbun e o ka hnyi köiö: ke haba at Aigupito adre me hnu lakamöbun me je kariota me tavat tabö hors ke ne o but ka hnyi Köiö ae Dra.

Josua 24:7

Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.

I. Ioane 4:18

E ba ot hnyi ibetengiö: kʼ ame obâ degecâ ot hnen ibetengiö ae bekhöt, anyin ae tren vec ot; kʼ adre ca obekhotâ at ame ot, hnyi ibetengiö.