Esodo 13:5 - Iaai Bible 1901 (New Caledonia)

⁵ Ke e ka he Iehova ka hum u ka hnyi hnyei Kanana, me Heth, me Amora, me Hivi, me Jebusi, waleji a khemanyin ka lakâmâm he ka hani köu, a hnyei ame di ge dân basin me hani, me u ma he ka ânyâ huliwa eang hnyi tehi eang.

Esodo 13:5 ပူးပေါင်းရင်းမြစ်များ

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

I. Man Ûlabainy Je Than. 1:15

me Hivi, me Areki, me Sini;

Esodo 12:24

Kʼ öbun e be ka tuö ûnyi e hnân hnanyibu hobi köu me je lakom nyiele balua.

Esodo 13:10

Anyin a wale u ma he ka vheno hnanyibu eang hnyi ûen adre thu hnyi ke huna me ke huna.

Esodo 13:11

Ke e ka he Iehova ka hum u ka hnyi hnyei iny at Kanana, helâ me hnen hna khemanyin köu me lakâmâm me ham köu,

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 33:1

KE Iehova ame ha kö Mose, ka habe, Hna but dok ang, ke he thö ûhem ang me tavat waleji u je hom ûhedra hnyi hnyei Aigupito, ka hnyi hnyei oge ûhibinyköuâ kö Aberahama, me Isaaka, me Jekob, ka habe, Oge me he ka ham ka je mâtrânâm:

Esodo 34:11

Wâ wia hnök hna hûna köu hnyi bong ang: wâ bi, oge me he ka obâ hnyi hnyimâkâm at Amora, me Kanana, me Heth me Perizi, me Hivi, me Jebusi.

Esodo 6:4

Ke oge hia but ohmâ anyik ûhihinyköu inödrin, be ka ham ködrin hnyei Kanana, waleji hnyei odrin e labö he kanyua hnyin hnyi hnödrin hna be kanyua.

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Jeremia 11:5

me inye he ka ohwâdâ ûhihinyköu oge khemanyinâ ka lakamöbun, he ka ham kodra hnyei ame di hnyin debai me hani, helâ me hnyi bong ang. Me oge me thu me ha, ka habe, Iehova lö, Amen.

Jeremia 32:22

ke u je ham kodra hnyei ang, waleji u je khemanyinâ ka lakamödra he ka ham kodra, hnyei ame di hnyin debai me hani;

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Levitiko 20:24

Ke oge hia but ha köbun, ka habe, Ame he ka bu köbun idrin hnyei, ke oge me he ka ham e köbun he ka labâ, wale hnyei ame di hnyin debai me hani: Inya Iehova Khongubun, at ame ucʼ öbun ûnyi hnyi ta je hnyei.

Numera 11:12

Hawa oge erkinâ tavat hia ang? hawa oge hnöku ödra, mʼ u me he ka ha könya, ka habe, Kop ödra ka hnyi ûlâiâm, helâ me kamen wale at ame tuö wanakat adre asen, ka hnyi hnyei u je khemanyin ka lakamödra?

Numera 13:27

Ke ödrin e thumeto e, ka habe, Ohmun e o but ka hnyi hnyei u je kunʼ ohmun ka hnyin, ke e hnathu ame di ge debai me hani; ke walang waniny.

Numera 14:16

Anyin ae ca khanö Iehova he ka hom tavat eang ka hnyi hnyei e ame khemanyin ködra, me wale e ame hlingʼ ödra hnyi hnyebuba.

Numera 14:30

e hnathu öbun e ca he ka o ka hnyi hnyei waleji oge hai hnyamok he ka olabʼ öbun hnyin, ke so thibi Kaleba nöku Jefune, me Josua nöku Nuna.

Numera 32:11

Haba tavat adre he jem ûhedra Aigupito, hwân ge tavat a twente huna me gan hon e, me adre me ca he ka hnyi wâ hnyei waleji oge khemanyin kö Aberahama me Isaaka, me Jekob; anyin adre me ca hnu hotuk hnyi ta je ûnyi hia:

Deuteronomi 12:29

Ke ka he Iehova Khongom ka subâ degecâ je hnyei hnyi hnyimâkâm, wale u me he ka hnyin me he ka hu, ke u ka tren, me labā idra;

Deuteronomi 19:1

E KA he Iehova Khongom ka subâ degecâ je hnyei wale a ham köu idra Iehova Khongom, ke u je hwöhwabödra, me labā anyidra je taun me umödra je uma;

Deuteronomi 26:1

KE u ka o ka hnyi hnyei ame ham köu Iehova me em, ke u je hom me labā:

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.