Esodo 13:3 - Iaai Bible 1901 (New Caledonia)

³ Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 13:3 ပူးပေါင်းရင်းမြစ်များ

Genese 15:16

Ke haba hnyi dö ae vakiny adre me he ka hmetu jem: anyin ae tiga ca bekhöt ut konginy at Amora.

I. Je Than 8:42

(anyin a adre me he ka long ge iâm ae gan, me hnyamâm ae hwege, me benyâm adre hai;) ke e ka o me hic hnyi uma eang;

I. Man Ûlabainy Je Than. 16:12

Ûnykûme thö je ûnyi hnân lâiâ e ame ânyâ; Wale je ûöman, me je hna owisa ûnyi hnyi hnyimen;

Nehemia 1:10

Ke walang ang lathnyabaem me lakem, waleji u je omelö ge manâm man ae gan, me hnyamâm ae hwege.

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Salamo 105:5

Ûnykûme ju ta je ûnyi hnân lâiâ waleji e ame hia but ânyâ; Anyin ta je ûöman, me ta je hna owisa hnen hnyimen;

Salamo 114:1

HNYI ûheny but Isaraela ûheny Aigupito, Wale lap anyi Jekob ûnyi hnyi hnyei ae atkanyua hwan kâu;

Salamo 136:11

Me hum Isaraela ûnyi hnyi wanbödra: Anyin a nyiele balua anyin ibetengiö:

Salamo 136:12

Hnen hnyamen ae hwege, me benyin ame hai: Anyin a nyiele balua anyin ibetengiö.

Salamo 89:14

Haba taben ânyâm theron me wisa me hna owisa: Ame he ibetengiö me hnathu ka bân hnyi hnyimâkâm.

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:17

Ke öbun e he ka bijeûâ areto adre ca levenâ bi; anyin a haba hnyi bong eling, oge hia but hom köiöbun je köiö ûnyi hnyi hnyei Aigupito: anyin a wale öbun e he ka tuö bong e helâ me hnanyibu nyiele balua.

Esodo 12:19

Adre me ca he ka wâ leven hnyi umöbun je uma hnyi je bong a seven: anyin a haba at ame he ka han areto adre levenâ, me adre me he ka subâ degecâ at eling ûnyi hnyi ûkhaeaköu anyin at Isaraela, ame ne atkanyua, ame ne at adre hnokoâ hnyi hnyei.

Esodo 12:2

Haba tehi ang ame he ka hnyimakan ta je tehi köbun: kʼ ame he ka tehi a bân i hnyi huna köbun.

Esodo 12:41

Ke haba hnyi obiny je huna a foa haded ke thöte, hnyi bong eling ame he but ta je köiö anyi Iehova hia ûhedra hnyi hnyei Aigupito.

Esodo 12:42

Ke walang hnyinghet hnân he ka ûnykûmi Iehova hnen lakon Isaraela hia hnyi anyidra ta je dö.

Esodo 12:8

Ke haba utiö adre le hnyi meic, adre me he ka tha han hnyi lit eling, me areto adre ca levenâ bi; kʼ adre me he ka han me bi uten ge ta je bö ae hiny.

Esodo 13:14

Ke e ka he nokom nyiele ka hnei u, ka habe, Ieû e? U me he ka ba kâu, ka habe, Iehova ame hum ohmun ge hnyamen ae hwege ûhehmun Aigupito, ûnyi hnyi hnyaban at hwenbâ:

Esodo 13:9

Kʼ ame he ka bi haten köu ûnyi eling hnyi hnyamâm, me hnân oûnykûmeâ hnyi wanben li emâkâm, me me he hnanyibu anyi Iehova ka hnen hnyi hnyimâm: anyin a Iehova ame hum u ûhem Aigupito hnen hnyamen ae hwege.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 20:8

Ûnykûme ju bong sabath he ka okâbâ.

Esodo 23:15

U me he ka bijeûâ areto adre ca levenâ bi: seven ta bong u me he ka han areto adre ca levenâ, helâ me hnök hna hûna köu, hnyi ûen adre thu, hnyi tehi Abiba (anyin a u je he but ûhem Aigupito hnyi tehi eling); ke ca he ke at ka manen hnyi hnyimakök ke ba ûnyi:

Esodo 3:20

Ke oge me he ka hai hnyamok me kot Aigupito ge ta je ûnyi hnân lâiâ, wale oge me he ka ânyâ eling: ke hwaban dö e, e ame he ka hnʼ öbun.

Esodo 34:18

U me he ka tuö bijeûiny areto adre ca levenâ bi. Seven ta bong u me he ka han hnyin areto adre ca levenâ, hnyi tehi Abiba, helâ me hnök hna hûna köu: anyin a hnyi tehi Abiba u je he but ûhem Aigupito.

Esodo 6:1

KE Iehova ame ha kö Mose, ka habe, U ma he walang ang ka wâ ûnyi oge me be ka ânyâ kö Farao: anyin a e ame he ka hnʼ odra ge hnyam ae hwege, kʼ ame he ka obʼ odra ûnyi hnyi iny hnyei ge hnyam ae hwege.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Esodo 7:4

Ke so bi ame ca he Farao ka ling öbu, me, oge me he ka ip hnyamok hon Aigupito, me hom anyik köiö, wale lakeik a lakon Isaraela ûnyi hnyi hnyei Aigupito ge ta je hwaban ae gan hmâ.

Jeremia 34:13

Walang hna ha hnö Iehova Khongu Isaraela, ka habe, Oge ûhihinyköu me lakamöbun, waleji hnyi bong oge hum ödra hnyin ûnyi hnyi hnyei Aigupito, ûnyi hnyi hnyaba ae ûthaluo me ha, ka habe,

Daniela 9:15

Ke walang ang, Than a Khonguhmun lö, at ame hom lakem ûnyi hnyi hnyei Aigupito ge hnyam ae hwege, ke adre olungi u helâe hnyi bong ang; öhmun e hia but ânyâ hulo, ke kong hwakecihmun.;

Mataio 10:12

Ke öbun ka didro ka hnyi ke uma, italofa ju mödra.

Luka 22:19

Ke e ame hom areto, kʼ ame oleâ, me thuthu, me ham ködrin, haingen, ka habe, Walang unyik adre me ham hobi köbun: ânyâ thö ang hnân ûnykûme könya.

I. Korinito 11:24

ke a hia but oleâ, e ame susubâ, me ha, ka habe, Hom dö, an ju, walang unyik hobi köbun: ânyâ thö e hnân he ka ûnykûme könya.

I. Korinito 5:8

anyin a wale, e so ate me he ka tuö bijeû, ca hnen leven adrem, ke ca hnen leveniny hnyok ae kong me hwakecin ae kong, ke so bi hnen areto adre ca levenâ bi wale hnyok ae wisa me hnathu.

Efeso 1:19

me maniny man ae ti gan hmâ hobi köta tavat adre me labageju, hoton ihuliwainy maniny man ae gan hmâ,

Deuteronomi 13:10

Ke u me he ka lûâ e ge veto, me me mokcu; can e ame heleû deny he ka thong u ûnyi ga Iehova Khongom, at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 13:11

Kʼ ame he at Isaraela hia ka löng, me ot, kʼ adre me ca he hmetu ka ânyâ ûnyi eling unyâm a ûnyi ae kong.

Deuteronomi 13:5

Ke haba at eji, ame ne perofeta, kʼ ame ne at bwi, me adre me he ka hlingâ; anyin a e ame hia but ûkhin fuc kö Iehova Khongubun at ame hum öbun ûheny hnyi hnyei Aigupito, me ûcû u ûnyi hnyi hnyaba ae ûthaluo, he ka lili u ûnyi hnyi gethen waleji Iehova Khongom ame hûna köu he ka vheno. Me u ma he ka ohia helâe hulö unyâm.

Deuteronomi 13:6

Ame ne alecuâ duöngi u hnen liamekeiny mou a nokon hinyâm, kʼ ame ne nokom baga me hlu, kʼ ame ne âiâm, kʼ ame ne waem at u me hnyokâ, ke haingen, ka habe, E so otu me he ka bi athnyabainy ke je khong ae ca khanö u me lakâmâm;

Deuteronomi 15:15

Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.

Deuteronomi 16:1

HAMÂM he ka tuö tehi Abiba, me ânyâ paseka kö Iehova Khongom: anyin a haba hnyi tehi Abiba Iehova Khongom ame hum u ûheny Aigupito hnyi hnyinghet.

Deuteronomi 16:12

Ke u me he ka ûnykûme hna thaluö u hnyi Aigupito: ke u me he ka wâ wia me ânyâ je hnanyibu e.

Deuteronomi 16:3

U me ca he ka tha han e me leven, u me he ka han e me areto adre ca levenâ hnyi je bong a seven, a aretoiny vec eling; anyin a u je he mweimwei ûhem hnyi hnyei Aigupito: mʼ u me he ka ûnykûme hnyi bongom ta je bong hia, ge bong u me he ûhem hnyi hnyei Aigupito.

Deuteronomi 24:18

ke u me he ka ûnykûme hna thaluö u hnyi Aigupito, ke Iehova Khongom ame omeli u ûheny: anyin a wale inya oge me hûna köu he ka ânyâ ûnyi e.

Deuteronomi 24:22

Ke u me he ka ûnykûme hna thaluö u hnyi hnyei Aigupito: anyin a wale me oge me hûna köu he ka ânyâ ûnyi eling.

Deuteronomi 26:8

me Iehova ame hum ota ûheny Aigupito ge hnyam ae hwege, me benyin adre hai, me je ûnyi hnân outen, me je haten, me je ûnyi hnân lâiâ:

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.

Deuteronomi 5:6

Inya Iehova Khongom, at ame hum u ûheny hnyi hnyei Aigupito, ke ûheny hnyi hnyaban ûthaluo.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 6:21

awe u me he ka ha ka nokom, ka habe, Haba ohmun lathnyabai Farao hnyi Aigupito ehac; me Iehova ame hum ohmun ûheny Aigupito ge hnyam ae hwege:

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Deuteronomi 8:14

me wale ame bi gan hnyekom, me u me hnying Iehova Khongom at ame hum u ûheny hnyi hnyei Aigupito, ûnyi hnyi hnyaba ae ûthaluo:

Deuteronomi 9:12

Ke Iehova ame ha könya, ka habe, Todrö, ie utut ûhem ang; anyin ae kong ut ânyâm tavat wale u je hom ûheny Aigupito; adre me saû logot ûnyi hnyi gethen waleji oge hûna ködra; kʼ adre ânyâ hobi ködra hnatheat adre oköiâ.

Josua 24:17

anyin a Iehova Khongutin wale at ame hum otin me lakamötin ûnyi hnyi hnyei Aigupito, ûnyi hnyi hnyaba ae ûthaluo, me ânyâ je haten ae gan hnyi hnyimaköta, me tuʼ öta eû hnyi gethen hia waleji otin e vheno, wanben tavat waleji otin e he wanbödrin:

Owisa 2:12

Ke ödrin e hna degeci Iehova Khongon lakamödrin, at a hum ödrin ûheny hnyi hnyei Aigupito, me hnu hoton ke je khong, je khongon je hnyei igigili ödrin, me khudrung ködrin: ke ödrin e okûâ hmonyin anyi Iehova.

Owisa 6:8

me Iehova ame kunâ perofeta ka lakon Isaraela; me e ame ha ködra, ka habe, Walang hofuc ho Iehova Khongon at Isaraela, ka habe, Oge me lili öbun ûheny Aigupito, me hum öbun ûnyi hnyi hnyaba ae Uthaluo;