Esodo 13:21 - Iaai Bible 1901 (New Caledonia)

²¹ Ke haba Iehova ame he hnyi hnyimaködra hnyi lany hnyi ûlâ ame tot wisa, he ka hum odra eû hnyi gethen, ke hnyi hnyinghet, ge meic ama tot wisa, he ka omelami odra; mʼ adre me he ka he hnyi lany me lit:

Esodo 13:21 ပူးပေါင်းရင်းမြစ်များ

Nehemia 9:12

Ke u je lili ödrin hnyi lany ge ûlâ ame tot wisa; ke hnyi hnyinghet ge mec ame tot wisa, me me omelami ödrin hnyi gethen ödrin e he ka vheno.

Nehemia 9:19

ke so bi u je ca hna degeci ödrin hnyi hnyebuba can ânyâm ibetengiö ae gan hmâ: ke ca hia unyidrin ûlâ ame tot wisa hnyi lany, he ka lili ödrin eû hnyi gethen; me meic ame tot wisa hnyi hnyinghet he ka omelami ödrin, me omanenâ gethen ödrin e he ka vheno.

Salamo 105:39

E ame ulolo ûlâ hnân tube, Me meic he ka hûnû ödra hnyi hnyinghet.

Salamo 68:7

Khong lö, hnyi ûen u je he hnyi hnyimakan lakem, Me vheno hnyi wanben hnyebuba; [Sela.

Salamo 77:20

U je su lakem helâ me hnahat mamoe, Ge hnyamö Mose me Arona.

Salamo 78:14

Haba hnyi lany e ame su ödra ge ûlâ, Ke melaminy meic hnyi je hnyinghet hia.

Salamo 99:7

E ame ha ködrin hnyi ûlâ ame tot wisa: Ödrin e vheno hnen je ohnatho, me hnanyibu waleji e ame ham ködrin.

Esodo 10:10

Ke ame ha ködru, ka habe, E so e he ka tha e mʼ öbun Iehova helâ me hnök hna hnʼ öbun, me je lakubun ae ûhnyûkong: ke wâ eaû; anyin ae hu monu hnyi hnyimaköbun.

Esodo 16:10

Ke Arona ame tiga ha hofuc ka ûkhacaköu hia anyin lakon Isaraela, me adre me bwele hnyebuba ai, ke wâ bi, e manen soi Iehova hnyi ûlâ.

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Khumöng Hwanyi Solomona. 3:6

Ie at ang ame o ûnyi hnyi hnyebuba helâ me hai ame sâ goranyai, Adre me obosoâ ge muro me libano, Me je ûnyi adre me oamamâ anyin at ûcû omjeû?

Numera 10:34

Ke ethö bi hudrin ûlâ anyi Iehova hnyi lany, hnyi ûen adre me he ûhedra hnyi hnödra hna hunuma hnyin.

Numera 14:14

ke adre me he ka thumeto tavat a gadra hnyei ang: ke adre löng a u Iehova unyin tavat eang; anyin a u Iehova u me ûhnyimaköu mödra, ke ame tot hudra ânyâm ûlâ, ke haba u hnyimakan anyidra bunyen, hnyi ûlâ ame tot wisa hnyi lany, me meic ame tot wisa hnyi lit.

Deuteronomi 1:33

at ame hnyimaköbun hnyi gethen, he ka heleû dok hnân otilâ umöbun je uma mano hnyin, a meic hnyi lit, he ka omanenâ köbun gethen öbun e he ka he hnyin, ke ûlâ hnyi lany.

Deuteronomi 31:8

Ke haba Iehova me wale at ame he hnyi hnyimâkâm; ke e ame he ka tha e bi möu, e ame ca he ka hia unyâm, me hna degeci u: ca ot ke ca öbubuny bi.