Esodo 13:19 - Iaai Bible 1901 (New Caledonia)

¹⁹ Haba Mose ame hom ta je jeiö Josefa: anyin a hia but khemanyin ka laku Isaraela, ka habe, E hnathu ame he Khong ka senʼ öbun; ke hamöbun he ka hom minya je jeiök ûnyi eang.

Esodo 13:19 ပူးပေါင်းရင်းမြစ်များ

Genese 48:21

Ke haingö Isaraela kö Josefa, ka habe, Wâ bi, Oge me he but ang ka mok: ke ame he Khong ka tha e möbun, me hum öbun hmetu ka hnyi hnyei lakamöbun.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Luka 1:58

Ke a long ut tavat adre me laba hakekenyâ me lap a je liamekeiny mē a gʼ ame betenge gan Than; me adre me tha senyin mē.

Luka 7:16

Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Ta je huliwa 7:15

Me ame he Jekob Aigupito ai; ke e ame mokcu me je lakamöta;

Ta je huliwa 7:16

ke adre me sam ödrin Sekema ai, mʼ adre me ip ödrin hnyi erkemok waleji a ûcû silevai Aberahama unyin laku Hamora hnyi Sekema.

Heberu 11:22

Hnen labageju Josefa ame ha ge ûheny lakon Isaraela hnyi ûen e ame he but ka mok; me hûna ge jeien bi

Josua 24:32

Ke haba je jeiö Josefa waleji a hom lakon Isaraela ûheny Aigupito adre me konâm hnyi Sekema, hnyi utkânâ a ûco Jekob ûnyi ge laku Hamora kamö Sekema hwaban je mone a khaca haded: ke wale hwajekhon laku Josefa.