Esodo 13:18 - Iaai Bible 1901 (New Caledonia)

¹⁸ ke Khong ame su odra hnyi getheniny hnyebuba haten Köiö ae Dra: kʼ ame he but lakon Isaraela ûnyi hnyi hnyei Aigupito me omjehen vat.

Esodo 13:18 ပူးပေါင်းရင်းမြစ်များ

Genese 50:25

Ke Josefa ame kuna je laku Isareala he ka khemanyin, ka habe, E hnathu Khong ame he ha senʼ öbun, ke öbun e he ka hom minya je jeiök ûbeny ang.

Salamo 107:7

E ame su ödra minya eû hnyi gethen ae wisa, Mʼ adre me he ka he ka hnyi taun hnân labā.

Salamo 136:16

Kâu at ame su tilâ lakeiny hnyi hnyebuba: Anyin a nyiele balua anyin ibetengiö.

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Esodo 12:51

Me haba hnyi bong heling, Iehova ame hom lakon Isaraela ûnyi hnyi hnyei Aigupito hoton anyidra je dö.

Esodo 14:2

Ha thö ka lakon Isaraela, mʼ adre me he ka saû hmetu me hunuma cicö Pihahiroth wanben Migedola me köiö, cicö Baalazefona: öbun e he ka hunuma cicö e hnyi haten köiö.

Esodo 14:9

Kʼ ame hnu odra hnen at Aigupito, je hos hia me je kariota anyi Farao, me tavat adre me tabâ haleny je hos, me anyin vat, me homtilʼ odra adre me hunuma hnyi köiö cicö Baalazefona, hakekeny Pihahiroth.

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.

Deuteronomi 32:10

E ame wâ e hnyi hnyebuba, Ke hnyi dok ae hnyot ke ba aten, ke je meno thibi adre me kuku; Me e ame igigilöâ, me nâ e, Kʼ ame tuö e helâ me wan li emakan.

Josua 1:14

Ame he je laöiöbun, me je lakubun ae ûhnyûkong, me halebun je meno, ka laba biju hnyi hnyei Mose ame ham köbun hoton Joridano; ke so bi, öban e ne ka he me ta je ûnyi hnân vat hnyi hnyimakan je liamekeiny möbun, je hnyat hia ae hwege he ka vat, me hadruʼ ödrin,

Josua 4:12

Ke ame tha he me je omjehen vat hnyi hnyimakan lakon Isaraela laku Reubena, me laku Gada, me hafiny tribu anyi Manase, helâji me Mose ame ha ködra:

Josua 4:13

Ame ne fâte thauzan adre hia but penapena hnân vat adre me hanyââû hnyi hnyimakö Iehova, he ka vat, ka hnyi je dok ae tha hon hnyi Jeriko.