Esodo 13:12 - Iaai Bible 1901 (New Caledonia)

¹² me u ma he ka ip hobi kö Iehova ta je atö hia, me ta je atö nokon meno unyâm; hobi kö Iehova obaga.

Esodo 13:12 ပူးပေါင်းရင်းမြစ်များ

Nehemia 10:36

helâe minya lakutin je baga a bân, me haletin omeno, helâ me hna sihnalimen hnyi hnanyibu, me je nokon kau a bân, me haletin je mamoe, he ka hom ka hnyi uma umen Khongutin, ka tavat bihut, tavat adre me huliwa hnyi uma umen Khongutin:

Nehemia 10:37

me otin e he ka hom anyitin je falawa a bân, me anyitin je hut adre kap goranyai me wan haletin je ûö, me waina me wakaco, ka tavat bihut, ka hnyi je hnyeuleny uma umen Khongutin; me je ke keihen a libenyitainy jeûiny könötin kânâ ka at Levi; anyin a haba at Levi ödrin e hom je ke keihen a libenyitainy hnyi ta je taun hia otin e belök hnyin.

Esodo 13:1

KE Iehova ame ha kö Mose, ka habe.

Esodo 13:2

Okâbâ thö köüya ta je atö hia, a lakon Isaraela adre bân hna hnokoâ, at me meno: wale hobi könya.

Esodo 22:28

U ma ca he ka haikongoâ hnyat owisa, me hangâ at ame musö em hnyei.

Esodo 22:29

U ca he ka becâ ham wan em hnyei, me dân wan halem je ûö. Ke u me be ka ham könya watö a lakom baga.

Esodo 34:19

Hobi könya je lakon a bân hia; me je lakon halem meno hia a baga, a je kau me je mamoe a bân.

Esodo 34:20

Ke u me he ka bi hnen nokon asina ge nokon mamoe: ka u je ne ca bi hnen e, me u me he ka thu nyin. Haba lakom baga a bân hia me u me he ka bi hnen. Ke ca he ke at ka manen hnyi hnyimakök ke ba ta ûnyi.

Ezekiela 16:20

Ke haba khaca, u je hia but hom lakom obaga me wahlu, waleji u je hnoko hobi könya, me hudi ödra ködrin me hnân ö ʼdrin. Hawa, ûnyi ae ûhnyûkong hnâm je hna bi ûnyi monu,

Ezekiela 44:30

Ke hobi kâu tavat bihut je ûnyi a bân hnyi ta je wan a bâniny ta je ûnyi hia, me ta je bwihlanyin hia ta je ûnyi hia öbun e ânyâ me bwihlany: öbun e he ka ham minya je falawa a bân adre tiga op ka at bihut, me me mokut hon umöbun je uma hnahic.

Levitiko 27:26

Ke haba lakon omeno a bân, wale nokon a bân adre ip hobi kö Iehova, me ca he ke at ka okabâ; ame ne bolok, ame ne mamoe, anyi Iehova bi e.

Numera 18:15

Haba ta je ûnyi adre hnokoâ a bân, a ta je ûnyi hia adre ham kö Iehova, ame ne at ame ne meno, me wale hobi köu: ke so bi u me he ka bi hnen je wanakat a bân, ke u me he ka bi hnen je nokon meno a bân ae bo kong.

Numera 3:12

Me wâ bi, haba inya oge hia but hom at Levi ûhedra unyin lakon Isaraela hnân bi hnen je atö wale a hodra lakon Isaraela ka hnokoâ: me hobi könya at Levi:

Numera 3:13

anyin a hobi könya lakon hia a bân; ke oge me okabâ könya je atö hia ge lakon Isaraela, at me meno, hnyi bong oge me kot hnyin je atö hia hnyi hnyei Aigupito: hobi könya ödrin; Inya Iehova.

Numera 8:17

Anyin a hobi könya je atö hia unyin lakon Isaraela, a tavat me omeno: oge me okabi ödra hobi könya hnyi bong waleji oge me kot hnyin je nokon a bân hia hnyi hnyei Aigupito.

Luka 2:23

(helâji me hna sihnalimen hnyi hnanyibu anyin Than, ka habe, Adre me he ka ha me kap ka Than ta je atö baga hia),

Deuteronomi 15:19

Haba je lakon a bân ka hnokoâ ge halem je kau, me mamoe, a je baga hia, me u me he ka okabâ kö Iehova Khongom: u me ca he ka kunâ nokon halem kau a bân he ka huliwa, me subâ leûnen nokon halem mamoe a bân.