Esodo 12:8 - Iaai Bible 1901 (New Caledonia)

⁸ Ke haba utiö adre le hnyi meic, adre me he ka tha han hnyi lit eling, me areto adre ca levenâ bi; kʼ adre me he ka han me bi uten ge ta je bö ae hiny.

Esodo 12:8 ပူးပေါင်းရင်းမြစ်များ

II. Man Ûlabainy Je Than. 35:13

Me ödrin e omesikâ ge meic paseka hoton bongon e; Ke ödrin e omesikâ ke je hut ae kap hnyi je öt, me je öt ae gan, me je ot ae lau, me ie hom ka tavat hia.

Salamo 22:14

Adre me hingâlâ degeci nya helâ me köiö, Ke ame ok ut je jeiok hia: Haba oûnykûmik me helâ me wasu; Ame okoiâ but eû hnyi hnyekuk.

Esodo 1:14

kʼ adre me oveci ödra hnyi je bong ge ta je huliwa ae hmak, wale dröu me veto kânâ, me ta je huliwa hia ae ve man hnyi hnyei, haba anyidrin ta je huliwa hia adre me musi ödra hwegiödra hnyin.

Esodo 12:9

Ca he öbun ka han hât, kʼ ame ne ölâ hnyi köiö, ke so bi he ka le ge meic; wale ban me je can me önyen hnyekon.

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 13:7

Adre me he ka han areto adre ca levenâ hnyi je bong hia a seven; kʼ ame ca he ka hu unyâm areto adre levenâ, kʼ ame câ he ka hu leven unyâm, hnyi em hnyei hia.

Esodo 23:18

U ma ca he ka hudo könya dra tha e me areto adre levenâ; kʼ ame ca he ka laba ke ne o but hnyomakatu pipikhenyainy meno adre hudo könya.

Esodo 34:25

U me ca he ka hudo könya dren ânyâm hut a tha e me areto adre levenâ, ke ca he ka ip hudiny bijeûiny paseka ke ne o but hnyomakatu.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Amosa 4:5

me hudo thö hudiny ole adre me levenâ, me thu bongon je hut ae betenge me haimemenâ: anyin a wale webun, lakon Isaraela, haingen Than Iehova.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Mataio 16:12

Me ödrin e wâ ûnykûme a e ame ca ha ködrin he ka wâ leveniny areto, ke so bi ûne anyin ta je Faresaio me je Sadukaio.

Mataio 26:26

Ke ödrin e tiga han, me Iesu ame hom areto, me oleâ, me thuthu; ke e ame ham ka laten me ha ködrin, ka habe, Hom dö, an ju; walang unyik.

Galatia 5:9

Haba leven ae ûhnyûkong ame olevenâ bwiny falawa hia.

Deuteronomi 16:7

Ke u me he ka thân e me han hnyi dok ame he Iehova Khongom ka ûca: ke u me he ka hwio hnyi hnyomakatu me he ka hnyi umâm je uma mano.

I. Thesalonika 1:6

Ke öbun e ûcûcûbingi öhmun, me Than minya, me kap hwan hofuc hnyi vec ae gan hmâ, me senyin ûnyi ge Hanu Kap;