Esodo 12:41 - Iaai Bible 1901 (New Caledonia)

⁴¹ Ke haba hnyi obiny je huna a foa haded ke thöte, hnyi bong eling ame he but ta je köiö anyi Iehova hia ûhedra hnyi hnyei Aigupito.

Esodo 12:41 ပူးပေါင်းရင်းမြစ်များ

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

I. Je Than 6:1

KE hnyi huna a foa haded ke eite wale ame he but hnyin lakon Isaraela ûnyi hnyi hnyei Aigupito, hnyi huna a vakiny musi anyi Solomona hnyi Isaraela, hnyi tehi Zif, wale tehi a loiny, me e ame ibi hwân op uma umo Iehova.

II. Man Ûlabainy Je Than. 14:12

Me haba Iehova ame kot at Aithiope hnyi hnyiinakö Asa, me Juda; me ame kec dö at Aithiope.

Salamo 102:13

U me he ka tot me betenge ge Ziona: Anyin a ûen dut he ka betenge gan, eke, a o but ûen adre thu.

Salamo 114:1

HNYI ûheny but Isaraela ûheny Aigupito, Wale lap anyi Jekob ûnyi hnyi hnyei ae atkanyua hwan kâu;

Salamo 136:11

Me hum Isaraela ûnyi hnyi wanbödra: Anyin a nyiele balua anyin ibetengiö:

Esodo 12:17

Ke öbun e he ka bijeûâ areto adre ca levenâ bi; anyin a haba hnyi bong eling, oge hia but hom köiöbun je köiö ûnyi hnyi hnyei Aigupito: anyin a wale öbun e he ka tuö bong e helâ me hnanyibu nyiele balua.

Esodo 12:51

Me haba hnyi bong heling, Iehova ame hom lakon Isaraela ûnyi hnyi hnyei Aigupito hoton anyidra je dö.

Esodo 13:14

Ke e ka he nokom nyiele ka hnei u, ka habe, Ieû e? U me he ka ba kâu, ka habe, Iehova ame hum ohmun ge hnyamen ae hwege ûhehmun Aigupito, ûnyi hnyi hnyaban at hwenbâ:

Esodo 13:16

Kʼ ame he ka bi haten köu ûnyi eling hnyi hnyamâm, me hnân wen bariny hnyi wanben li emakâm: anyin a Iehova ame hum ohmun ûheny Aigupito ge hnyamen ae hwege.

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 13:9

Kʼ ame he ka bi haten köu ûnyi eling hnyi hnyamâm, me hnân oûnykûmeâ hnyi wanben li emâkâm, me me he hnanyibu anyi Iehova ka hnen hnyi hnyimâm: anyin a Iehova ame hum u ûhem Aigupito hnen hnyamen ae hwege.

Esodo 3:10

Anyin a wale aiö u, oge me he ka kunö u ko Farao, mʼ u ma he ka hom lakeik a lakon Isaraela, ûnyi hnyi Aigupito.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 6:26

Ke haba Arona me Mose, me, wale li at ame ba ködru Iehova, ka habe, Hom but je lakon Isaraela ûnyi hnyi hnyei Aigupito hoton anyidra je dö.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 7:4

Ke so bi ame ca he Farao ka ling öbu, me, oge me he ka ip hnyamok hon Aigupito, me hom anyik köiö, wale lakeik a lakon Isaraela ûnyi hnyi hnyei Aigupito ge ta je hwaban ae gan hmâ.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Levitiko 23:43

me me khana hnen anyibun je dö a oge kunâ lakon Isaraela he ka laba hnyi je uma hunuma, hnyi ûen oge me hum ödra ûnyi hnyi hnyei Aigupito: Inya Iehova Khongubun.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Numera 23:22

Khong ame hum ödra ûhedra Aigupito; Ke e hu but gan helâke tang hwegeiny bolok ae hiny.

Numera 33:1

WALANG ûheny lakon Isaraela, hnyi hnödra hna he but ûhedra hnyi hnyei Aigupito, a je köiödra, kʼ ame musi ödra hnö Mose me Arona.

Ioane 7:8

He thʼ öbun ka hnyi bijeû: oge me ca mē he ka hnyi bijeû; anyin ae tiga ca hwâdâ bi ûök.

Ta je huliwa 1:7

Haingen ködrin, ka habe, E ca hanymöbun he ka wâ je bong me je huna ame ip ge Kamen kʼ ame muso bi.

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Deuteronomi 16:1

HAMÂM he ka tuö tehi Abiba, me ânyâ paseka kö Iehova Khongom: anyin a haba hnyi tehi Abiba Iehova Khongom ame hum u ûheny Aigupito hnyi hnyinghet.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Josua 24:5

Ke oge me kunö Mose me Arona, me oge me kot Aigupito, helâji me hnok hna ânyâ unyidra: ke hwaban e me oge me hum öbun bi.

Josua 5:14

Ke e ame thu, ka habe, E ba, anyin a oge o hnân taben je utbavat anyi Iehova. Ke Josua ame ta ju hnyikânâi, me nom ju, me ha kâu, ka habe, Ieû hofuc hwan tuhok ka athnyabainy?