Esodo 12:23 - Iaai Bible 1901 (New Caledonia)

²³ Anyin ame he Iehova ka he hnyi wanben hnyei me kot at Aigupito; ke e ka wâ but dra hnyi hon hwanuma me li uthwanuma, me ame he Iehova ka hanyâûâ hwanuma, kʼ ame ca he ka hna at ûhlingö he ka didrö ka hnyi umöbun je uma he ka kuc öbun.

Esodo 12:23 ပူးပေါင်းရင်းမြစ်များ

II. Samuela 24:16

Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.

Jobu 14:13

U na he ju ka ikhölö nya hnyi erkemok, Ke oiyongi nya ke ne o but ame hia ânyâm hmonyin, U na he ju ka thu bonguk, me ûnykûme könya!

Esodo 11:4

Ke haingö Mose, ka habe, Walang hna ha hnö Iehova, ka habe, Hnyi wanbenset oge me he ka he hnyi wanben hnyei Aigupito:

Esodo 12:7

Kʼ adre me he ka hom dra me bi hnalimen hnyi li uthwanuma, me hon hwanumen ta je uma adre me he ka han hnyin.

Isaia 26:20

Aiö u, ik hnyei, didro ka hnyi je hnyeulem, ke hlöng ju hwanuma hwabâm: ke ikhölö ju helâ me thuthubadecmak ke ne o but ame hia but hmonyin,

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

I. Korinito 10:10

Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia.

Heberu 11:28

Hnen labageju e ame ânyâ paseka me hna jijingâ dra, wâ e nye kâlʼ ödra hnen at ame ohia je atö.

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Hna Omanenâ 7:3

ame ha, ka habe, Ca okongo bi hmeledrany, me köiö, me ta je ûö, ke ne o but öhmun e ohmâ haten lathnyabainy Khonguta hon je baridra.

Hna Omanenâ 9:4

Ke adre ha kodra mʼ adre me ca he ka okongoâ önyinginy hmeledrany, me ke ûnyi ae hât, me ke ûö a khaca, ke so thibi tavat ae ca hu gadra hna bi haten anyin Khong hon ta je baridra.