Esodo 12:19 - Iaai Bible 1901 (New Caledonia)

¹⁹ Adre me ca he ka wâ leven hnyi umöbun je uma hnyi je bong a seven: anyin a haba at ame he ka han areto adre levenâ, me adre me he ka subâ degecâ at eling ûnyi hnyi ûkhaeaköu anyin at Isaraela, ame ne atkanyua, ame ne at adre hnokoâ hnyi hnyei.

Esodo 12:19 ပူးပေါင်းရင်းမြစ်များ

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:20

Öbun e ca he ka han ûnyi adre levenâ; kʼ öbun e he ka han areto adre ca levenâ bi hnyi je hnyababun hia.

Esodo 12:43

Ke Iehova ame ha kö Mose me Arona, ka habe, Walang hnanyibuiny paseka, ka habe, Ame ca he atkanyua ka hnyi an e:

Esodo 12:48

Ke a ne hu atkanyua ame laba unyâm ame weny he ka hnyi hanen paseka kö Iehova, e so bân peretomonâ obaga hia unyin, me hwaban e ame he ka hakekeny ka hnyi hanen; kʼ ame he ka helâ me at adre hnokoâ hnyi hnyei: ke ame ca he at adre ca peretomonâ ka hnyi han.

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 13:7

Adre me he ka han areto adre ca levenâ hnyi je bong hia a seven; kʼ ame ca he ka hu unyâm areto adre levenâ, kʼ ame câ he ka hu leven unyâm, hnyi em hnyei hia.

Esodo 23:15

U me he ka bijeûâ areto adre ca levenâ bi: seven ta bong u me he ka han areto adre ca levenâ, helâ me hnök hna hûna köu, hnyi ûen adre thu, hnyi tehi Abiba (anyin a u je he but ûhem Aigupito hnyi tehi eling); ke ca he ke at ka manen hnyi hnyimakök ke ba ûnyi:

Esodo 30:33

Ke haba at ame he ka ûhaniken ûnyi helâe, me ip hanen hon ke atkanyua, me adre me he ka ohia at e ûnyi hnyi iny hnyei.

Esodo 34:18

U me he ka tuö bijeûiny areto adre ca levenâ bi. Seven ta bong u me he ka han hnyin areto adre ca levenâ, hnyi tehi Abiba, helâ me hnök hna hûna köu: anyin a hnyi tehi Abiba u je he but ûhem Aigupito.

Levitiko 23:5

Haba hnyi bong a fortininy tehi a bân, hnyi sahac, me wale paseka anyi Iehova.

Numera 9:13

Ke haba at ae bo so, kʼ ame ca hnyi he but, kʼ ame ca hnyi hanen paseka, me adre me he ka subâ degecâ at eling ûnyi hnyi iny hnyei: anyin a e ame ca hom hut kö Iehova hnyi ûen adre thu, kʼ ame he ka takoû at eling hnen anyin hulö.

Deuteronomi 16:3

U me ca he ka tha han e me leven, u me he ka han e me areto adre ca levenâ hnyi je bong a seven, a aretoiny vec eling; anyin a u je he mweimwei ûhem hnyi hnyei Aigupito: mʼ u me he ka ûnykûme hnyi bongom ta je bong hia, ge bong u me he ûhem hnyi hnyei Aigupito.