Esodo 12:12 - Iaai Bible 1901 (New Caledonia)

¹² Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Esodo 12:12 ပူးပေါင်းရင်းမြစ်များ

I. Man Ûlabainy Je Than. 14:12

Ke ödrin e ip biju eling je khongudrin; ke haba Davita ame hûna he ka thong degeci ödrin ge meic.

Salamo 135:8

Waleji at ame kot watö hnyi Aigupito, Tavat me omeno.

Salamo 82:1

KHONG ame tot hnyi ûkhacaköu anyin Khong; E ame owisa hnyi wanben ta je khong.

Salamo 82:6

Haingök, ka habe, Öbun je khong, Ke öbun hia je lakon Beönua.

Salamo 91:7

Ame he khaca thauzan ka ta hnyi ke keihâm; Ke ten je thauzan hnyi hnyamâm a metâm; Kʼ ame ca he bi ka hakekenyi u.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Esodo 12:23

Anyin ame he Iehova ka he hnyi wanben hnyei me kot at Aigupito; ke e ka wâ but dra hnyi hon hwanuma me li uthwanuma, me ame he Iehova ka hanyâûâ hwanuma, kʼ ame ca he ka hna at ûhlingö he ka didrö ka hnyi umöbun je uma he ka kuc öbun.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Esodo 21:6

hawe, ame he tuhan ka hom e ka hnyat owisa, me hom e ka hnyi hlinginy hwanuma, ame ne ut hwanuma; kʼ ame he tuhan ka koû hnyikonyen ge ûnyi hnân koû; kʼ ame he ka bi athnyabainy nyiele balua.

Esodo 22:28

U ma ca he ka haikongoâ hnyat owisa, me hangâ at ame musö em hnyei.

Esodo 6:2

Ke Khong ame fuc kö Mose, me ha kâu, ka habe, Inya iehova:

Esodo 9:6

Ke haba nyi, Iehova ame ânyâ ûnyi eling, kʼ ame mokcu ta jo meno hia haleny at Aigupito: kʼ ame ca mokcu ke meno a khaca haleny lakon Isaraela.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Jeremia 43:12

Ke oge me he ka hû meic hnyi je uma ûmen je Khongon Aigupito, ke e ame he ka thong degecâ me hum ödrin a je bâ: ke e ame he ka omecâ e bi ge hnyei Aigupito helâ me at tuö mamoe ame khavâ anyin je ûkhaû; ke e ame he ka he ûheny e me hnahic.

Jeremia 43:13

Ke ame he ka thö minya je veto ame tot hnyi Bethe-semes, a e hnyi hnyei Aigupito, ke e ame he ka thong degecâ je uma umen je khongon Aigupito ge meic.

Jeremia 46:25

Haingö Iehova tuhan sabaoth, Khongu Isaraela, ka habe, Wâ bi, oge me he ka bi hwaban kö Amona ûheny No, me Farao, me Aigupito, tha e me je khongon, me je thaniny; wale Farao, me tavat adre me labageju kâu:

Ezekiela 12:16

Ke oge me he ka bi koluidra ae wakhalet ûnyi ge hele vat, me hmiâ, me mok ae cap; mʼ adre me he ka ha gaga anyidra ta je ûnyi ae ikiki hia unyin ta je hnyei adre me he ka he ka hnyin; ke adre me he ka wâ a inya Iehova.

Amosa 5:17

Ke adre me he ka tenge thungaû hnyi ta je hnyei vine hia: anyin oge me he ka ovhenu u, haingo Iehova.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Numera 33:4

kʼ ame tiga konâm lakudra a bân hia hnen at Aigupito, waleji u hlingâ Iehova unyidra: ke Iehova ame bi hwaban minya anyidra je khong.

I. Samuela 5:3

Ke a todrö at Asedoda hnyi hnyomakatu, me wâ bi, ame ta but Dagona hnyikânâi cicö tang tangö Iehova. Me ödrin e kop Dagona me otilâ hmetu hnyi hnen.

I. Samuela 6:5

Anyin a wale öbtin e he ka theatâ anyibun je ohuc, me halebun je tep, hnyat okongoâ hnyei; ke öbun e he bi ka ogânâ Khongon at Isaraela; me ame ne he ka ohâhâ hnyamen hubun, me hon je khongubun me ibun hnyei.