Esodo 12:11 - Iaai Bible 1901 (New Caledonia)

¹¹ Ke öbun e he ka han helâng, ka habe, öbun e he ka ca je hnyekubun, me bi taben je hnyeûcabun, me kât anyibun je uci: kʼ öbun e he ka han logot: wale paseka anyi Iehova.

Esodo 12:11 ပူးပေါင်းရင်းမြစ်များ

II. Je Than 23:21

Haba than ame hûna ka tavat hia me ha, ka habe, He thʼ öbun ka tuö paseka kö Iehova Khongubun, helâ me hna sihnalimen hnyi tusiny ûhihinyköu eang.

Esodo 12:13

Ke haten köbun dra hnyi ta je uma öbun e laba hnyin: ke iny ka wâ but dra, me oge me he ka hanyâûʼ öbun, kʼ ame ca he ka o köbun mok at ame ohia, iny ka he ka kot hnyei Aigupito.

Esodo 12:21

Ke haba Mose ame hawâ wahingatiny at Isaraela hia, me ha ködrin, ka habe, Ve ûca thö me hom ta je nokon mamoe hobi kâu anyibun je lap, ke hlingâ ju paseka.

Esodo 12:27

mʼ öbun e he ka thu, ka habe, Wale hut paseka kö Iehova, waleji at ame he hanyâûâ ta je uma umen lakon Isaraela hnyi Aigupito hnyi hnen hna kot at Aigupito me omelö anyitinʼta je lap. Ke haba tavat adre me nom ju me khudrung.

Esodo 12:43

Ke Iehova ame ha kö Mose me Arona, ka habe, Walang hnanyibuiny paseka, ka habe, Ame ca he atkanyua ka hnyi an e:

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Ezekiela 45:21

Ke hnyi tehi a bân, hnyi bong a fotininy tehi, me öbun e he ka ânyâ paseka, seven je bonginy bijeû; kʼ adre me he ka han areto adre ca levenâ.

Levitiko 23:5

Haba hnyi bong a fortininy tehi a bân, hnyi sahac, me wale paseka anyi Iehova.

Numera 28:16

Ke haba hnyi tehi a bân hnyi bong a fortininy, me adre me he ka ânyâ paseka kö Iehova.

Numera 9:1

KE Iehova ame ha kö Mose hnyi hnyebuba Sinai, hnyi tehi a bân hnyi huna a loiny, hwaban hnödra hna he but ûnyi hnyi hnyei Aigupito, ka habe,

Luka 12:35

Hûkâlâ ju wen je hnyekubun, ke so e umumelam anyibun je lamepa;

Luka 15:22

Ke haba kamen ame ha ka lathnyabainy, ka habe, Ie hom but jem ûkhaû ae ti so, ke okhavâ ju kâu; ke inâ thö wen hnyam kâu, ke hûkâlâju tangen li hnyeûca:

Luka 2:41

Ame labö he kamen me hinyen Jerusalema ai hnyi je huna ka hnyi bijeû paseka.

Luka 7:38

kʼ ame tot hoton hnyi li can me tenge, me hwân he ka okhubetâ li can ge deköien li emakan, me kot ge leûnen ban, me cem li can, me hû ge muro.

I. Korinito 5:7

Degec ut leven adrem, mʼ öbun e tap falawa ae teb ûnyi, helâke adre me ca leveni öbun. Anyin adre hia but hlingâ anyita paseka, wale Keriso:

Efeso 6:15

ke adre bi taben tangen je hnyeûcabun ge hna penapena ûthumetu ae so hnyi ûsoköu;

Deuteronomi 16:1

HAMÂM he ka tuö tehi Abiba, me ânyâ paseka kö Iehova Khongom: anyin a haba hnyi tehi Abiba Iehova Khongom ame hum u ûheny Aigupito hnyi hnyinghet.

Josua 5:10

Ke ame hunuma hnyi Gilegala, lakon Isaraela; ke ödrin e ânyâ paseka hnyi bong a fortininy tehi hnyi sahac, hnyi dok ae tha hon hnyi Jeriko.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;