Esodo 11:3 - Iaai Bible 1901 (New Caledonia)

³ Ke Iehova ame okûâ ibetengiö ka tavat hnyi hnyimakan at Aigupito. Ke haba khaca, Mose ame lung hnyi hnyei Aigupito, me unyin lathnyabai Farao, me unyin tavat.

Esodo 11:3 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 39:21

Ke tha Jehova me Josefa, kʼ ame betenge gan, me okûâ he ka betenge gan hnen tuhan uma ceat.

II. Samuela 7:9

ke oge me tha he möu waleji hnyi hnâm hna he ka hnyin, me subâ degecâ je iwahnaihmiony möu hnyi hnyimâkâm; ke oge me he ka olungâ iâm helâ me ien tavat ae gan eang hmelen.

Esetera 9:4

Anyin ae gan hmâ Modikai hnyi uma umen than, kʼ ame lung hnyi je ke keihen hnyei hia thithö: anyin ame gan tot at eling, wale Modikai.

Salamo 106:46

E ame okûâ betenge minya kodra Unyin tavat adre me hwenbʼ ödra.

Esodo 12:35

Ke je lakon Isaraela adre me ânyâ helâ me hofuc ho Mose; me adre me sumâtâ at Aigupito ge ta je hmanenanginy sileva, me ta je hmanenanginy gol, me ta je ûkhaû:

Esodo 12:36

ke Iehova ame okûâ ibetengiö anyin at Aigupito ka tavat, inʼ adre me hna but ta je ûnyi adre me sumâtâ. Mʼ adre me öba ta ûnyi anyin at Aigupito.

Esodo 3:21

Kʼ oge me he ka okûâ ibetengiö ka tavat eang ûnyi ge at Aigupito: kʼ öbun ka he but, me öbun e ca he ka he me ba ta je omjeû:

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Ta je huliwa 7:22

Ke adre me nö Mose hnyi ta je metâ hia anyin at Aigupito; kʼ ame metâ but hnyi hofuc a hwan, me anyin ta je huliwa.

Deuteronomi 34:10

Ke ba ke perofeta bala helâ me Mose ame o hmetu hnyi Isaraela, wale hnö Iehova hna iohnyimak mē;

Deuteronomi 34:11

wale hnyi ta je haten me ta je ûöman hia, waleji Iehova ame kunâ he ka ânyâ hnyi hnyei Aigupito, ko Farao, me lathnyabainy hia, me iny hnyei hia thithö;

Josua 4:14

Ke haba hnyi bong eling Iehova ame oganö Josua hnyi hnyimakan at Isaraela hia thithö; mʼ adre me outen e helâ me hnödrin hna outö Mose hnyi ta je bonginy hia anyin möt.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.