Esodo 11:2 - Iaai Bible 1901 (New Caledonia)

² Ha thö walang ang ka hnyi je hnyikönyen tavat, me me he obaga me omomo ka ve sumâtâ unyin tavat adre me laba ûhakekenyi mʼ odra, ta je hmanenanginy gol me ta je hmanenanginy sileva.

Esodo 11:2 ပူးပေါင်းရင်းမြစ်များ

Genese 24:53

Ke haba athnyaba ame hom ta je omjeû a sileva, me je omjeû a gol, me je ûkhaû, me ham kö Rebeka: e ame ham minya ta je ûnyi ae ûnyi hnathu hmönyin ka haniny, me hinyen.

Genese 31:9

Waleling Khong ame hia but hûgûnâ ta je meno haleny kamöbu, me ham bi könya.

Salamo 105:37

Ke e ame hum ödra but me sileva me gol: Ke ba ke at ae sënyin ge anyidra ta je tribu.

Salamo 24:1

ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin.

Esodo 3:21

Kʼ oge me he ka okûâ ibetengiö ka tavat eang ûnyi ge at Aigupito: kʼ öbun ka he but, me öbun e ca he ka he me ba ta je omjeû:

Esodo 3:22

kʼ ame he omomo hia ka ve sumâ â unyin at ame laba hakekenyi odra, me unyin tavat adre me tha laba hnyi umödra ta je uma, je hmanenanginy sileva, me je hmanenanginy gol, me je ûkhaû: kʼ öbun e he ka otheibâ lakubun obaga me wahlu; mʼ öbun e he ka öba omjeûiny hnyei Aigupito.

Esodo 32:24

Ke haingök ködra, ka habe, Ame he tavat tren gol ka uny jut; me adre me ham könya, me oge me khûâ ka hnyi meic, me a o but nokon kau eang.

Esodo 35:22

Kʼ adre o but, obaga me omomo, tavat hia adre me weny, me hom but ta je ohmâiny nyin ae mec, me je anen hnyikönyen, me je wen banyen hnân bi haten, me je waen, wale ta je hmanenanginy gol hia; haba tavat hia adre me bi bwihlany, me adre me ham ta je ûnyi a gol kö Iehova.

Ta je Vejec 13:22

Haba at ae so me ame he ka ha jekhon je laöbiny; Ke adre me ip hobi kâu tavat ae wisa omjehen at ae kong.

Hagai 2:8

Haba sileva, me anyik, ke anyik gol, haingö Iehova tuhan sabaoth.

Mataio 20:15

Hawa, e ca ûcû könya he ka ânyâ wek ge anyik ta je ûnyi? hawa e kong emakâm anyin a iny at betenge?