Esodo 10:4 - Iaai Bible 1901 (New Caledonia)

⁴ Ke u je ne höcö hna lakeik wâ bi, haba nyi, oge me he ka kunâ je wahamon ka hnyi em hnyei:

Esodo 10:4 ပူးပေါင်းရင်းမြစ်များ

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 10:5

kʼ adre me he ka khavâ kânâ, me me ca khana at i he ka wâ kânâ: kʼ adre me he ka an je kolon biju ae möt, wale ta je kolon unyibun, hwaban we ae wahma, kʼ adre me he ka an ta je ûö hia ame kû hobi köbun hnyi hnyei:

Esodo 4:23

ke oge hia but ha köu, ka habe, Hna but nokuk me me he ka bi athnyaba könya; ke u je hia but behânâ: wâ bi, oge me he bi nya ka hlingâ nokom a atö.

Esodo 5:1

KE hwaban dö e haba Mose me Arona ödru me he me ha kö Farao, ka habe, Walang hna ha hnö Iehova Khongu Isaraela, ka habe, Hna but lakeik mʼ adre me he ka bi jeû könya hnyi hnyebuba.

Esodo 8:10

Ke haingen, ka habe, Bong nyi. Ke ame thu, ka habe, Ame he ka helâ me hnâm hna ha: me me he ka khanö u ae ba ke at ae ûcû me Iehova Khonguhmun.

Esodo 8:23

Ke oge me he ka sihnyigöulen dut lakeik me lakem: ke haba nyi ame he ka hu haten ang.

Esodo 9:18

Wâ bi, haba nyi, helâ mo ûen eang, oge me he ka ota we ae wahma me gan, e ba helâe hnyi Aigupito ehac hnyi can ke ne o but hnyi bong ang.

Esodo 9:5

Ke haba Iehova ame thu ûen, me ha, ka habe, Nyi ame he Iehova ka ânyâ ûnyi e hnyi hnyei.

Ta je Vejec 30:27

E ba tuhan je wahamon, Ke so bi adre me he gaga hia hnyi je bunyen;

Joela 2:25

Ke oge me he ka bi hwaban köbun je huna, waleji a an hnen wahamon veto, me oböu me wale wi, me nokon wahamon, wale anyik utbavat ae gan oge kunâ köbun.

Deuteronomi 28:38

E gan hmâ je hatong u me he ka hom ka hnyi em hnyei, ke ûhnyûkong bi u me he ka ip; anyin ame he ka han hnen ta je wahamon.

Hna Omanenâ 9:3

Me ame o but ta je wahamon ka hnyi hmeledrany ûnyi hnyi hai; ke adre hom kodra man, helâji me maniny ta je sekopioiny hmeledrany.