Esodo 10:3 - Iaai Bible 1901 (New Caledonia)

³ Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 10:3 ပူးပေါင်းရင်းမြစ်များ

I. Je Than 18:21

Ke haba Elia ame hakekeny ka tavat hia, me ha, ka habe, Ke ne o but kehö öbun e he ka lolo hnyi li hna ûnykûme a lo? Ame ne Khong Iehova, awe hnu thö e: ke ame ne Baala, awe hnu e bi. Ke ame ca thu kâu tavat ge hofuc a khaca.

I. Je Than 21:29

Hawa, u je wâ but a Ahaba ame oûhnyûkongo e bi hnyi hnyimakök? awe, anyin a e ame oûhnyûkongo e hnyi hnyimakök, me oge me ca he bi nya ka oâ ûnyi ae kong hnyi bongon ta je bong: ke o ge me he bi nya ka oâ ûnyi ae kong ka anyin lap hnyi ta je bong bongon nokon.

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

II. Man Ûlabainy Je Than. 33:12

Ke e ame vec, me ame elöm Iehova Khongon, me ti oûhnyûkongoâ e hnyi hnyimakan Khongon lakamen.

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

II. Man Ûlabainy Je Than. 34:27

anyin ae menyik hnyekom, ke u je oûhnyûkongu u bi hnyi hnyimakan Khong, hnyi hnâm hna löng hwan hofuc ge dok ang, me tavat adre me labā e, ke u je oûhnyûkongu u bi hnyi hnyimakök, me kia ânyâm je ûkhaû, me tenge hnyi hnyimakök; anyin a wale oge me he bi nya ka ling u, haingö Iehova.

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Esodo 10:4

Ke u je ne höcö hna lakeik wâ bi, haba nyi, oge me he ka kunâ je wahamon ka hnyi em hnyei:

Esodo 16:28

Ke haba Iehova ame ha kö Mose, ka habe, Ke ne o but kehö öbun e he ka höcö ka tuö hnök hna hûna me anyik je hnanyibu?

Esodo 4:23

ke oge hia but ha köu, ka habe, Hna but nokuk me me he ka bi athnyaba könya; ke u je hia but behânâ: wâ bi, oge me he bi nya ka hlingâ nokom a atö.

Esodo 5:1

KE hwaban dö e haba Mose me Arona ödru me he me ha kö Farao, ka habe, Walang hna ha hnö Iehova Khongu Isaraela, ka habe, Hna but lakeik mʼ adre me he ka bi jeû könya hnyi hnyebuba.

Esodo 9:17

Hawa, u me tiga he bala ka ogöranyi u hon lakeik mʼ u me ca he ka hnʼ odra but?

Ta je Vejec 1:22

Tavat ae ba hnyekudra lö, öbun e he ka hnyok ka hwakecin ba hnyekon ke ne o but kehö? Me tavat ûhiö he ka hiâ ke ne o but kehö, Me tavat ae monu ha hmiödra wâhmakhmeto?

Ta je Vejec 1:24

Can oge me hongot, ke öbun höcö; Oge me hinôbeny, ke ba at ame long;

Ta je Vejec 18:12

Ame bân ka bi gan hnyekon at, ke biliny bi he ka hia, Ke ame bân hnyok ae hnyikânâ, ke biliny bi hna ogânâ.

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Ezekiela 5:6

Ke e ame hia but hanyâûâ hnok hna owisa hnyi hnen hna ânyâ monu hon ta je hnyei, me hanyâûâ anyik je hnanyibu hon je hnyei igigilo: anyin adre me hia but hna degecâ hnok je hna owisa, me ca vheno anyik je hnanyibu.

Daniela 5:22

Ke haba u, Belesaza a nokon lö, u je ca öhnyikânâ hnyekom, ke so bi e khanö u ta je ûnyi hia eling;

Numera 14:27

Oge me he ka hokhnyokâ ke ne o but kehö ûkhacaköu eang ae kong, tavat adre me ulidri nya? oge löng ut ulit anyin lakon Isaraela wale adre me ulidri nya.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Iakobo 4:10

Obnyikönʼ öbun ju hnyi hnyimakan Than, ke e ame he ka ogoranyi öbun.

I. Peteru 5:6

Anyin a wale, ohnyikönʼ öbun ju hnyi hmelen hnyamen Khong ae man, me me he ka ogoranyi öbun hnyi ûen ae ûcû;