Esodo 10:22 - Iaai Bible 1901 (New Caledonia)

²² Me haba Mose ame hai hnyamen goranyai, me menekholom ae khöt ut hnyei Aigupito hia hnyi kun ta bong;

Esodo 10:22 ပူးပေါင်းရင်းမြစ်များ

Jobu 5:14

Adre me ûkhanö me menekholom hnyi lany, Me khaûteta hnyi jebigö helâke me hnyinghet.

Salamo 105:28

E ame kunâ lit, me ame menekholom but; Ke ödru me ca hna degecâ hwan hofuc.

Esodo 20:21

Ke ame tot sâkâû tavat, ke Mose ame hakekenyâ menekholom ae khöt wale ame laba hnyin Khong.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Ezekiela 32:7

Ke haba hnyi ûen oge me he ka oumi u, me oge me he ka tube drany, me olidrâ je okhûiny; ke oge me he ka tube seûno ge ûlâ, ke ame ca he ka melam tehi.

Ezekiela 32:8

Oge me he ka olidrâ hom je Uny hia hnyi drany ae umumelam, me hna but menekholom hon em hnyei, haingen Than Iehova.

Joela 2:2

bonginy lit me menekholom, bonginy ûlâ me khömet, helâ me melaminy hnyomakatu ame ulolo hon je bucen; hnyei ae gan me hwege, e ba helâe ehac, ke ame ca he hmetu ka helâe, hnyi je hunainy je dö ae se hia.

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Deuteronomi 4:11

Ke öbun e hakekenyâ me utitilen hmelen bucen; ke haba bucen ame hiâ ge meic ke ne o but ka hnyi drany, ke menekholom, me ûlâ, me lit ae gan.

Deuteronomi 5:22

Wale je hofuc a ha Iehova ka anyibun ûkhacaköu hia hon bucen ûnyi hnyi wanben meic, me ûlâ, me menekholom ae gan, ke gan hmâ hwan: ke e ame ca bi hanen. Ke e ame sihnalimen e hnyi li veto ae lau, me ham könya.

Hna Omanenâ 16:10

Ke haba at a thabunginy ame hingâlâ anyin kaia hon theron anyin meno; me ame menekholom but dokhon dokhu; ke adre me hohoc je bohmödra ge vec,