Esodo 1:7 - Iaai Bible 1901 (New Caledonia)

⁷ Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Esodo 1:7 ပူးပေါင်းရင်းမြစ်များ

Genese 1:20

Haba Khong ame ha, ka habe, E so ame he je köiö ka odedo ta je ûnyi ame bwebwet ae hu mot, ke so ame gâ ethö hon kânâ je meno ame gâ, hnyi bwanginy drany ethö.

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:22

Ke e ame hna but dok e, me koû ke an; ke ödrin e ca iwatretra e: me e ame hwenyi ien e Rehoboth; anyin a haingen, ka habe, A hia but Iehova bi hnötin walang ang, kʼ ötin e he ka si but hnyi hnyei.

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 35:11

Ke Khong ame ha kâu, ka habe, Inya Khong Aekhanahia: dudu but me si but; ame he ka o unyâm ke hnyei me ta je hnyei, ke ame he ka o ûnyi gam ta je than;

Genese 46:3

Ke e ame ha, ka habe, Inya Khong, a Khongon kâmâm: ca ot he ka he Aigupito ai; anyin oge me he ka wiö u eling me hnyei ae gan:

Genese 47:27

Ke Isaraela ame laba hnyei Gosena, hnyi hnyei Aigupito; ke hu idrin eling, kʼ ödrin e hât me si gan hmâ.

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Genese 48:4

me ha könya, ka habe, Wâ bi, oge me he ka ohâti u me osi u me wiö u, mʼ u ma je hnyei ae se, ke oge me he ka ham hnyei eang ka ta je mâtrânâm a hwâbâm me me em nyiele balua.

Genese 9:1

KE Khong ame hahnahici Noa, me je lakon, me ha ködrin ka habe, Si but, me dudu but, me dedo hmeledrany.

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Salamo 105:24

Me e ame ti osehia lakeiny, Me ohwegi ödra hon ta je iwahnaihmiöny mödra.

Salamo 107:38

E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

Esodo 1:12

Ke e gan hna okongu ödra, ke gan minya ûdudui ʼdrin me si. Ke hmak je hnyekudrin can lakon Isaraela.

Esodo 12:37

Ke haba lakon Isaraela adre me he ûhedra Ramase Sukotha ai, ame ne siks haded thauzan tavat adre he, kʼ adre ca aû bi ta je wanakat.

Esodo 5:5

Ke haingö Farao, ka habe, Wâ bi e se hia tavat aten hnyei walang ang, kʼ öbu me omen ʼödra ge anyidra huliwa.

Ezekiela 16:7

Oge me osehiö u helâ me vongon hnyot, me u me se hia but, me gan dut, ke u je o ka hnyi bongon ae ti mec; ame ku li bâsâm, ke beû but leûnen bâm; ke so bi ehac u je he thu me ba ûkhaû:

Ta je huliwa 13:17

Haba Khongon hnyei ang Isaraela, ame ûca lakamöta, me ogöranyâ tavat waleji kʼ adre me tiga laba kanyua hnyi hnyei Aigupito, ke e ame hum ödra ûheny e ge hnyamen ae hwege.

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Deuteronomi 26:5

Ke u me he ka thu me ha hnyi hnyimakö Iehova Khongom, ka habe, Haba kamök, me, at Suria ame he but ka mok, ke e ame he Aigupito ai, kʼ ame laba atkanyua eling, ke e wakhalet thibi; me e ame wia ka hnyei ae gan, ke hwege, ke se hia: