Esodo 1:21 - Iaai Bible 1901 (New Caledonia)

²¹ Ke haba li at tuö erkin ödru me outen Khong, me e ame otilâ anyidru li lap.

Esodo 1:21 ပူးပေါင်းရင်းမြစ်များ

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 2:24

Awe, kia inya Iehova, at ame ohmö nya, me olabö nya hon theron anyi cica Davita, me at a bi hnyabak, helâ me hnen hna ha bânâ, a gʼ adre me he ka hlingö Adonia hnyi bong ang.

Salamo 112:1

OGANÖ Ja thʼ öbun. Hnahic hnen at ame outö Iehova, At ame senyin gan hmâ ge anyin ta je hnanyibu.

Salamo 127:1

ANE ca op Iehova uma, Më me be tavat ka okhot ka op e: Ame ne ca tuö bi taun Iehova, Ma me he ka hmak baû at ame tue.

Salamo 127:3

Wâ bi, jekhöûta ûnyi ga Iehova ta je wanakat: Ke hwaban ûnyi gan, wale wan tangen hnöku.

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

Esodo 1:17

Ke outen Khong li at tuö erkin, kʼ ödru me ca ânyâ hna hûna ködru hnen thaniny Aigupito, kʼ ödru me omelö je wainda.

Ta je Vejec 24:3

Adre me op uma ûnyi ge metâ, Kʼ adre me otethmâ e ge wâ ûnykûme.

At Khet 8:12

Eja ke ne a ne khaca haded hna ânyâ hulo hnen at ae kong, kʼ adre osehia bongon je bong, ke so bi, oge me wâ but a gʼ ame he ka so ka tavat adre me outen Khong, a tavat ot hnyi hnyimakan:

Jeremia 35:2

He thö ka hnyi lap anyi Rekaba, me ûhnenamö mödra, me hum ödra ka hnyi uma umö Iehova, ka hnyi ke hnyeule, me habelidra ge waina.

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.