Esodo 1:17 - Iaai Bible 1901 (New Caledonia)

¹⁷ Ke outen Khong li at tuö erkin, kʼ ödru me ca ânyâ hna hûna ködru hnen thaniny Aigupito, kʼ ödru me omelö je wainda.

Esodo 1:17 ပူးပေါင်းရင်းမြစ်များ

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

II. Samuela 24:4

Ke so bi e hwege hofuc hwan than hu Joab, me je taben vat. Ke Joab me je taben vat ödrin e didrut ge than, he ka aû tavat a at Isaraela.

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Esetera 3:3

Ke haba lathnyabainy than a ödrin hnyi homagouleny than, ödrin e ha kö Modikai, ka habe, Ieû gam u me hanyâûâ hnanyibu anyin than?

Salamo 31:19

Shaiba ge ûganiny ânyâm so, wale u je hitangen hobi kâu tavat adre me outö u, Waleji u me ânyâ hobi kodra adre me labageju köu, hnyi hnyimakan tavat!

Esodo 1:18

Ke haba thaniny Aigupito, ame hawâ li at tuö erkin, me ha ködru, ka habe, Ieû öbe ânyâ gan ûnyi e, me omelö je wainda?

Esodo 1:21

Ke haba li at tuö erkin ödru me outen Khong, me e ame otilâ anyidru li lap.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

At Khet 8:12

Eja ke ne a ne khaca haded hna ânyâ hulo hnen at ae kong, kʼ adre osehia bongon je bong, ke so bi, oge me wâ but a gʼ ame he ka so ka tavat adre me outen Khong, a tavat ot hnyi hnyimakan:

Daniela 6:13

Me adre me thu me ha ka than, ka habe, Haba Daniela hanen je bâ anyin at Juda, me e ame ca outö u, than, me hnanyibu u je set iâm hnyin, ke e ame ibi okun sumâtâ ta je ûnyi hnyi je bong.

Hosea 5:11

Adre ovecâ Eferaima, adre ngâ e hnyi ûhnei; anyin a e ame ogâ he ka hnu hoton hna hûna.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Ta je huliwa 5:29

Haba Peteru me je aposetolo ödrin e thu, ka habe, E ûcû kohmun he ka long hoton Khong hon at.

I. Samuela 22:17

Me ame ha than ka tavat adre me labö tot unyin, ka habe, Hwio thʼ öbun, me hlingâ hnyat bihut kö Iehova; anyin ödrin e tha hien me Davita, ke e khanʼ ödrin a e ame kec, me ödrin e ca omanenâ könya. Ke lathnyabainy than ödrin höcö he ka inâ je hnyamödrin he ka kot hnyat bihut kö Iehova.