Esodo 1:14 - Iaai Bible 1901 (New Caledonia)

¹⁴ kʼ adre me oveci ödra hnyi je bong ge ta je huliwa ae hmak, wale dröu me veto kânâ, me ta je huliwa hia ae ve man hnyi hnyei, haba anyidrin ta je huliwa hia adre me musi ödra hwegiödra hnyin.

Esodo 1:14 ပူးပေါင်းရင်းမြစ်များ

Genese 15:13

Ke e ame ha kö Aberama, ka habe, Wâhmakhmeto ju u, haba je mâtrânâm adre me he ka laba kanyua hnyi hnyei a ca idra, ke adre me he ka bi athnyaba ködra; ke adre me he ka oveci ödra vak ta haded ta je huna;

I. Je Than 12:14

me fuc ködrin hoton hofuc hwan je hidröu, me ha, ka habe, Haba cica ame ohmakâ ûnyi hnân ûhûkâlâköuâ hubun, ke oge me he bi nya ka bi hanen ka ûnyi hnân ûhûkâlâköuâ hubun: haba cica ame kuc öbun ge osö, ke oge me he bi nya ka kuc öbun ge sekopio.

Salamo 129:1

E SO ame he Isaraela ka ha, ka habe, Adre hia but osehia oveci nya, hwân kʼ iny tiga hidröu;

Salamo 68:13

Hawa, öbun e he ka mokut hnyi je haginy mamoe, Helâ me li labenyin biny adre tube ge sileva, Me je leûnen unyin ge gol ae hadröngöc.

Salamo 81:6

Oge me uny jut hok ûnyi hnyi li abenyin: Adre thang li hnyamen ûnyi hnyi tang.

Esodo 1:11

Anyina wale, adre roe otilâ hudrin ta je tuhan hu-liwa, hnân he ka oveci ödra ge anyidrin ta je huliwa ae hmak. Ke adre me otilâ li hnyaba hobi kö Farao, Pithoma me Ramese, hnân ip omjeû hnyin.

Esodo 1:13

Ke haba at Aigupitoadre me musö hwegiâ je lakon Isaraela:

Esodo 1:15

Ke haba thaniny Aigupito ame ha ka li at tuö erkin anyin at Heberu, Sifera ien ke at, ke Pua ien ke at:

Esodo 2:23

Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 6:9

Ke Mose ame ha helâe ka je lakon Isaraela: kʼ adre me ca ling Mose can hnyekudra ae vec, me hwenbödra ae hmak.

Ta je Vejec 28:15

Haba at ae kong ame muso tavat ae theduoc, Me liona ame kuku, ke bea ame he monu.

Isaia 10:24

Anyin a wale, walang hna ha hnen Than, Iehova tuhan sabaoth, ka habe, Lakeik lö, tavat adre me laba hnyi Ziona, ca outen bi öbun at Asuria: eja ke ne a ne kuc u ge osö, me nang anyin uci köu helâji me hnyi Aigupito.

Isaia 14:6

waleji ame kot tavat ge wathethöt kʼ ame ca menâ bi nang, waleji ame muso hmönyinâ ta je hnyei, ge hna seda ae ca hnân thawâ bi.

Isaia 51:23

ke oge me he ka ip e hnyi hnyamen tavat adre me oveci u; waleji tavat adre me hia but ha köu, ka habe, Nom ju mʼ öhmun e he ka he but hom: ke u je hia but ham jom hnân hing kânâ, ke helâ me gethen, ka tavat adre me vheno.

Isaia 52:5

Ke walang ang, haingö Iehova, oge ma ânyâ ieû eang, anyin adre hom bâûâ lakeik? ame kuku tavat adre me musi ödra, haingö Iehova, ke adre me haikongoâ iök hnyi je bong hia thibut.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Levitiko 25:43

U me ca he ka musi odrin hwege; ke u me he ka outen Khongom.

Levitiko 25:46

Ke öbun e he ka hnʼ odrin hna hwajekhon lakubun hwaböbun, me me anyidra: öbun e he ka hom je lathnyaba ûnyi gadra nyiele balua; ke haba je liamekeiny möbun a lakon Isaraela, ca he ka musö hwegiâ ke at hnen ke at.

Levitiko 25:53

E ame he ka tha e me helâ me athnyaba adre hawâ hnyi ke huna me ke huna: e ame ca he ka musö hwegiâ e hnyi hnyimâkâm.

Mika 3:3

tavat adre me an minya unyin lakeik; kʼ adre me uja unen unyidra, ke thu je jeiödra: eke, adre me susubʼ ödra helâke me hnân öt, ke helâke me je uthmeno hnân öt ae gan.

Nahuma 3:14

Seköiö thö hobi kâu he ka thelingʼ u, ohwegiâ ju ânyâm je hnabâ: he thö ka hnyi kânâ ae kece, ke ututo ju dröu adre me huliwan, ohwegiâ thö hna leû veto kânâ.

Numera 20:15

a gʼ ame he Aigupito ai lakamöhmun:

Ta je huliwa 7:19

Wale at bihihwakecin ka je lakamöta, kʼ ame okongoâ lakamöta, kʼ ame kunʼ ödra he ka dedegec lakudra je mendring, mʼ adre me ca möt bi.

Ta je huliwa 7:34

Inya oge hia but wâhmakhmetoâ hna okongoâ lakeik hnyi Aigupito, ke oge long ut anyidra mâng, ke oge me o but ang he ka höi ödra: ke walang ang aiö u, oge me he ka kunö u Aigupito ai.

Deuteronomi 26:6

ke ame okongu ota at Aigupito, me oveci ota, me kunʼ ota ka hnyi huliwa ae hmak:

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Rutha 1:20

Ke haingen ködrin, ka habe, Ca ha iök bi, me, Naomi, ke ha iök bi, me, Mara: anyin a haba hwakecin Aekhanahia me gan hmâ hiny kônya.